هيثم نحيلة يكتب: روح ملاك

الأم يعنى الحنان

يعنى التضحية والأمان

يعنى حب أكبر من عمر الزمان

... يعنى الدفا والفرح والأحضان

يعنى اللى تخاف عليك أكتر من اى إنسان

الأم روح ملاك وورد مقدس فى بستان

الأم طاقة نور وراحه للإبن التعبان

سر الوجود وكلامها زى الميه للعطشان

تقولك يا حبيبى الله يسعدك تلاقى نفسك فرحان

وتدعيلك فى صلاتها ينولك اللى فى بالك وأكتر كمان

فرحها إنها تشوفك فرحان ومتستحملش لو تشوفك زعلان

ولو ابوك زعل منك تقوله سامحه وانسى اللى كان

تساعدك لما تذاكر وتبكى لما تسافر وتزغرط لما تبقى م العرسان

الأم قطرة الندى والسما الصافية وعزف الكمان

الأم عطاء بلا مقابل وفاء وإخلاص واطمئنان

الأم جنه وتحت رجليها بتجرى جنة الرحمن

الأم رحمه ونور ودنيا جميله ميقدرش يوصفها اللسان

الأم روحنا وفى قلوبنا نموت إحنا وتعيش هى والأوطان

بارك الله فيكم

» الفزياء كامله للمتخصص الاستاذ هيثم مصطفى
» مرحباً بـ ملاك العرب
» شاذلى دنقل يكتب: قبلة فوق جبينك يا أمى
» مبروك سعد يكتب: نهر العطاء
» محمد مجدى يكتب: من أول لحظة يا أمى