دبابيس طرحتك من صنع يديك

أول فكره: فى دبابيس
طويله بتتحط على الطرحه من جتب بتتباع فاضيه من غير الحليه و فى أحجار و
خرز كبير بيتباع كل ده فى محلات الكلف و طبعا هتقولى ألزق الحليه فى
الدبوس ازاى وهقولك تمسكى طرف الدبوس بايدك و الطرف التانى تقربيه من
النار و أول ما طرف الدبوس يحمر من النار أمسكى الحليه و دخلى الدبوس فيها
و الطرقه دى الدبوس مش هيتفك ومش مكلفه بالمره وممكن تعمليها فى دبابيس المشبك
ولو مكان الدبوس أصبح مش لطيف اعملي الآتي والعجينة لسة طرية تحطي طرف الدبوس في الغرا وبعدين في الشكل
الي انتي عاملة وتسبية ينشف اما البرونز فبعد لما العجينة تنشف تدهني
العجينة ورنيش ودة بيحافظ علي العجينة من المياة وبيديها لمعة حلوة وترشي
عليها البرونز وهو هيثبت علي الورنيش
ممكن لو مش عندك ورنيش اي مانييكير بيدي نفس النتيجة
تانى فكره : عجينه السراميك و بتتعمل ازاى أكيد معظمكوا نفسكوا تعرفوا ازاى
المكونات : ربع كيلو برطمان غراء أبيض
نشا
زيت فازلين (عباره عن فازلين عادى و بتسيحيه ع النار )
الطريقه :
نصب الغراء كله فى طبق غويط و نشوف كان البرطمان مملى لحد فين و تحطى
النشا مرتين على أد ماكان البرطمان مملى و بعدين نصب زيت الفازلين و نقلب
كل ده مع بعض بمعلقه خشب لحد ما تبقى عجينه ولو العجينه ناشفه زودى شويه
غراء ولو طريه قوى زودى شويه نشا و لما تخلصى حطيها فى كيس مقفول عليها
كويس و لايصل ليها الماء حتى لا تنشف و لا الهواء حتى لا تعفن و تخدى منها
اللى انتى عايزاه و تلونيها و تشكليها الشكل اللى تحبيه و تغرسيها فى
الدبوس و تسبيها لحد ما تنشف و للانجاز حطيها أدام المروحه و ممكن تضيفى
البرونز علشان تديه شكل حلو أو زينه أكتر

شكراً نوجا
أنا بأعمل معظم دبابيس الطرحة بإيدى
والدبابيس اللى بكسر الألماظ "بتلمع"
لازم مع بداية الدراسة كل سنة أعمل مجموعة منها مختلفة الألوان
عشان الظروف أوقات مش بأبقى فاضية أعمل ولا أشترى