مين إل حدف الطوبة؟؟

مين إل حدف الطوبة؟؟
يا محمد يا مينا يا فاطمة يا كرستين
كفاية حدف طوب على بعضينا وتعالوا نسأل إل حدفها علينا مين
لا محمد حدفها على كنيسة ولا مينا حدفها على جامع ولا فاطمة حدفتها على كرستين
إل حدفها علينا كارهه وجودنا مع بعضينا كارهه يشوف الهلال مع الصليب فى صورة واحدة متجمعين

لية من غير ما نسأل بنكسر فى إل بينا ونتفسم إتنين
تعالوا نرجع تانى زى زمان كفاية كتر أسامى لو أتقسمنا ضاعت مصر وضاع الأمان
تعالوا نسد الشقوق إل بينا لو كبرت هتبقى طريق يدخل منه الغريب بينا
تعالوا نروى الشقوق بالحب تطرح أمان لو رواها الغريب بسمه مش هنلاقى لنفسنا فيها مكان
كفاية حدف طوب على بعض وتعالوا نناولها لبعض
ونحدفها على إل بسمه بيموت فى العشرة القديمة وإل كان

الهنا واحد ووطنا واحد وجيران ومقفول علينا باب واحد وقلوبنا هتبقى واحد لو بطبلنا نعيش بأسمين وعيشنا بأسم واحد ..مصريين ..
دة كتر الأسامى توهه ..تعالوا يبقالنا عنوان
كفاية توهة وفرقة وتعالوا بقلب واحد نقف مع بعض فى الفرح والأحزان
كفاية نحاسب فى بعضينا وكل من له دين ربه هيحاسبه علية
تعالوا نرجع زى زمـان قبل ما يفوت الأوان

بقلمى ومن همى
ahmedshshsh(Ahmed sayed)

لك حق تقول من همك
!!!!!!!!!!!!!
ياترى ليه وصلنا لكدة
؟؟؟؟؟؟؟؟؟؟؟
استأذنك أعطيها لطالب عندى يُلقيها فى القاء الشعر

جزاك الله كل خير

موووضوع رائع

بارك الله فيك