لحد إمتى هتبقى حياتنا كدة....

لحد إمتى هتبقى حياتنا كدة
يا بنعمل ثورة
يا بنحتفل بثورة

إمتى البلد هيبقالها ريس
إمتى نعيش فى أمان
إمتى نبطل نقول هما و إحنا ..لحد إمتى هنعيش مقسومين

يا إخوانى ..ويالى مش إخوانى كفاااااااااية بقى
دة الوطن واحد لية نبقى إتنين؟

وإسمحولى بقى ....
إنتوا الأتنين غلط ..و إنتوا الأتنين خسرانين

يا إخوانى ...إنت دينك إية .....؟
لو بتقول إنه الأسلام

يبقى الدين إل كتابه ..القرآن

مش إل كتابه (كتاب الإخوان) إل بيه عشنا متفرقين

وإنت يالى مش إخوانى ....إنت جيشك عظيم
بس إنت طول عمرك نايم
ساكت على الظلم وعايش غلط

ومستنى ..من أول هتاف تهتفه
كل شئ يتغير ويبقى جميل
طب إزاى إل إتهد فى سنين ..يتبنى فى يوم ولا إتنين

فوقوا بقى إنتوا الإتنين
عمر الدين ما كان بالحرق والقتل
وعمرها ما هتتبنى وإحنا عايشين للهايفة ..مغيبين

ولا عمرها هتتبنى وإحنا إتنين

كسبتوا إية بعد ده كله ..... وإية إل إتغير .... وإيه إل زاد

عملتوا إية ..غير حرق فى قلوب الأمهات ومين حس بيهم وهما موجوعين

يا إخوانى ..ويالى مش إخوانى كفاااااااااية بقى
دة الوطن واحد لية نبقى إتنين؟

بقــ ومن همى
AHMEDSHSHSH
Ahmed Sayed

مش عارفة لحد إمتى
عمرى ما حسيت اننا فريقين فى بلدى
حتى لما كانوا بيقولوا فيه اضطهاد للأخوة المسحين
كان معى زميلة فى الكلية لم أعرف انها مسيحية لمدة 3 أعوام
إلا عند خطبتها لشخص اسمه جورج
لإننا عمرنا ما كنا بنسأل انت مين ولا ايه
...فى 25
اتقسمنا فلول وثوار وحزب كنبة وغيره
فى 30
اتقسمنا اخوان وجيش وشعب
بارك الله فيك وفى هذا النداء للجميع

إن شاء الله الوحدة هترجع تانى ..وبكرة أحلى

شكرآ لمرور حضرتك ..الطيب

الشكر لك للتعبيرك عما بداخلنا

» حياتنا مثل قوس المطر
» الشجرة في حياتنا
» حياتنا فى رمضان
» الامل نور حياتنا
» أشياء ستختفي من حياتنا قريباً!!