كلام فى سرك ........ ( فضفضة ) مع رضوى نصر الدين ..........

شباب 25 يناير


النهاردة خلصت المحاضرة وطالعة مصدعة مش شايفة قدامى يخربيت الدراسات العليا وسنينها

المهم وانا فى ارض الكلية لسه مطلعتش خير اللهم اجعله خير لقيت زفة هههههههههههههه

اه والله هى فعلا زفة اصل علطول بشوفها فى الشارع فى ليلة الحنة بتاعة العريس لما يقعدوا يغنوا ويطبلوا

قولت لصاحبتى هو انا صاحية ولا نايمة ولا ده اثر الصداع ولا احنا فيييييييين بالظبط

وبعدين بحاول افهم هما بيقولوا ايه مش عارفة اترجم

طيب فين العريس ياجماعة هههههههههههههههه؟؟؟؟؟؟؟؟؟



حسبى الله ونعم الوكيل حيطيروا البرج اللى فاضل فى دماغى

قولت انا مش حسكت ولازم افهم فى ايه جيبت واحدة وسألتها من اللى كانوا فى الزفة دول

قولتلها لو سمحتى هى ايه الزفة دى بتقولوا ايه يعنى فيها

قالتلى زفة ايه يااستاذة ده احتجااااااااااااااااج


ياساتر يارب احتجاج ؟؟؟؟؟؟؟!!!!!!!!! طيب بتحتجوا على ايه ؟؟؟؟؟؟

قالتلى على خطاب مبارك اللى قالوا امبارح


بصراحة كان نفسى اديها بوكس فى وشها مش عشان الاحتجاج لاااااااا .. لكن مش من الحضارة ولا الديمقراطية المنظر اللى انا شوفته
ده ابدااااااااا

اولا يعنى ايه فى الحرم الجامعى شباب وطبل وغنا وهيصة ويجيبوا اغانى الافراح ويفصلوها على احتجاجهم واسلوب مستفز جدا

ويسقفوا وفاضل يرقصوا كمان

ثانيا : اللى يحب يقول رأى او يرفض حاجة يرفضها بأدب واحترام ويكون ديمقراطى ومتحضر

مش ده برضوا من ضمن اللى كانوا بينادوا بيه فى الثورة؟؟؟؟؟؟؟؟؟!!!!!!!!!!!!!!!!


ولا هى بقيت موضة وهيصة الم صحابى واجيب الطبل وانزل اعمل هيصة فى الشارع واسميها مظاهرة واشك ان كانوا فاهمين حاجة اصلا