صمت احزانى
مشرفة
عدد المساهمات : 466
الدولة : 
تاريخ التسجيل : 25/03/2011
العمر : 32
مزاجى : 
المهنة : 
 |  موضوع: يوميات مساجين طره ههههه  الجمعة 6 مايو - 19:23 | |
| [size=21][size=16][size=21] [/size][/size]
بدأ كبار مسئولي النظام السابق المحبوسين احتياطيًا داخل سجن طره التأقلم على حياتهم الجديدة
بعد أن اجتازوا أزمة الأيام الأولى داخل السجن والذي كان يمثل لهم ولا يزال لبعضهم قبر دفنوا فيه أحياءً، لكنه بمضي الأيام ومع قدوم وافدين بدوا أكثر تقبلاً لوضعهم يحذوهم الأمل في أن يجدوا طريقهم إلى الحرية.
@@@@@@@@@@@@@@@@@
وكشفت مصادر مطلعة بسجن ليمان طرة لـ “المصريون”، أن الحالة النفسية للوزراء السابقين المحبوسين أصبحت جيدة وتأقلموا على وضعهم الجديدحيث قالت إن حالة أنس الفقي وزير الإعلام السابق وحبيب العادلي وزير الداخلية الأسبق وزهير جرانة وزير السياحة السابق وأحمد عز أمين التنظيم السابق بالحزب “الوطني”، وإسماعيل الشاعر مدير أمن القاهرة السابق قد تحسنت كثيرًا عن ذي قبل على عكس جمال وعلاء مبارك نجلي الرئيس السابق
وزكريا عزمي رئيس ديوان رئاسة الجمهورية السابق وأحمد المغربي وزير الإسكان السابق وفتحي سرور رئيس مجلس الشعب السابق، وصفوت الشريف رئيس مجلس الشورى السابق.@@@@@@@@@@@@@@@@@لكنهم لا يزالون يتعاملون على أنهم “ضيوف” من أصحاب المقامات الرفعية، إذ أن جميع طلبتهم يتم تلبيتها، فوجبات الطعام تأتي يوميًا من خارج السجن في مواعيد ثابتة يوميًا، وهو تبرره إدارة السجن بأنه إجراء قانوني طالما المتهمين لا يزالون رهن التحقيق ولم يصدر ضدهم أي حكم.@@@@@@@@@@@@@@@@@ولكل واحد من هؤلاء طعامه المفضل الذي يأتي غالبًا من أحد الفنادق الخمسة نجوم، وفي اليوم الأول من دعالمهم السجن يوم الأربعاء الماضي لم يأكل جمال وعلاء مبارك أي طعام واكتفيا بشرب المياه المعدنية، حيث دخل معهم ثلاثة كراتين مياه حجم لتر ونصف.@@@@@@@@@@@@@@@@@وفي اليوم التالي، تناولا في الإفطار “كورن فليكس” بالحليب، وبيضة مسلوقة لكل منهما، ومربى تين وخبز “توست”، إضافة إلى قهوة فرنساوى، وفي الغداء تناولا فراخ برياني وشوربة لسان عصفور ومكرونة، إضافة إلى تفاحة لكل منهما، وفي العشاء جبنة سويسري وكوب زبادي وشاي بالحليب. @@@@@@@@@@@@@@@@@أما حبيب العادلي فيتناول في الإفطار عصير برتقال وبيض مسلوق من واحدة إلى اثنتين ومربى وقهوة، وقد تناول في اليوم الثالث من احتجازه على الغداء صيادية سمك بالأرز وسلاطة بالمودزاريلا@@@@@@@@@@@@@@@@@فيما يتناول زكريا عزمي في إفطاره بيض مقلي وجبنة بيضاء وعيش شامي وقهوة، إضافة إلى قيامه بتدخين السيجا، ولوحظ أنه لا يتناول وجبة الغداء، لكن في العشاء يأكل جبن قريش ومربى خوخ وكوب حليب.@@@@@@@@@@@@@@@@@في حين أن أحمد عز دائم الجلوس مع أنس الفقي ويتناولان وجباتهم معا، إضافة إلى أحمد المغربي في أحيان كثيرة، وإفطارهم المفضل هو عبارة عن فول مدمس بالزبدة مع جبن ومربى وعيش سن وعيش شامي، وأحيانا تفاحة مع قهوة وسندوتشات زبدة أو سندوتشات قشطة بالعسل الأبيض.@@@@@@@@@@@@@@@@@وكان عز أقام منذ عدة أيام مأدبة غداء لزملائه وبعض المساجين الجنائيين أحضر فيها كباب وطرب وفراخ مشوية وقبلها أحضر استاكوزا وجمبري وأسماك متنوعة، أما عشاء عز والفقي فهو عبارة عن جبن وزبادي.@@@@@@@@@@@@@@@@@لكن زهير جرانة يبدأ يومه بتدخين سيجارة، وبعدها يتناول كرواسون وجبنة وقهوة، ثم يقوم بتدخين سيجارة أخرى، ويعوض وجبة الإفطار لالغداء حيث يتناول أكلات دسمة فهو يعتمد على صواني الفراخ بالفلفل الرومي أو الكفتة التركي أو الفراخ الكاري، والعشاء زبادي فواكهة بالعسل الأبيض وقبلها بيضة مقلية وكابتشينو.@@@@@@@@@@@@@@@@@والأطعمة تأتي ساخنة، لأنها إما مغلفة بورق حراري أو داخل صناديق بلاستيكية تحفظ درجات الحرارة لساعات، مؤكدا أن الأطعمة تأتي في أوقات ثابتة وهناك مساجين يقومون بخدمة هؤلاء المسئولين في مقابل مادي وتناول ما يتبقى من أطعمة.@@@@@@@@@@@@@@@@@@@@@@@@@@@@@@@@@@@@@@@[/size] عرض أحد البرامج التليفزيونية مساء اليوم الأربعاء مشاهد تفصيلية لسجن مزرعة طرة من الداخل موضحا مبانى السجن والعنبر المنفصل الذى يقطنه رجال مبارك وأولاده.
وكشف الفيديو عن أماكن التنزه داخل السجن وملعب تنس ومكان خاص لتنزه نجلى الرئيس المخلوع علاء وجمال مبارك
بالإضافة إلى أماكن أخرى لتنزه باقى المسئولين المخلوعين.
ووصف اللواء نزيه جاد الله رئيس مصلحة السجون زنزانة علاء وجمال مبارك نجلى الرئيس المخلوع بأنها عبارة عن زنزانة أرضيتها أسمنتية ومساحتها 7 أمتار فى 15 مترا وبها مروحة ظريفان ومبرد للمياه وتليفزيون.
وأضاف جاد الله أن جميع سجون مصر بها تلك الإمكانيات ولايعتبر سجن طرة هو الأفضل بل إن سجن المرج أفضل منه ولكن تم اختيار سجن طرة لقربه من أماكن التحقيقات بسبب ذهاب أغلب المسئولين السابقين به بشكل يومى إلى أماكن تحقيقات مختلفة.
وأوضح جاد أن مطعم سجن المزرعة به أعلى الإمكانيات وبه طهاه على أعلى مستوى من المساجين كانوا يعملون بفنادق خمس نجوم ومطاعم كبرى ويوجد به كافة الوجبات أسماك ودواجن ويسمح للمساجين بإحضار وجبات من الخارج . يوميات يوم الجمعة في بورتو طرة
تجنبا للاختلاط مع السجناء فى المسجد الكبير، ولضمان عدم تسرب الأخبار، أدى أعضاء حكومة طرة المحبوسين، فى سجن المزرعة، صلاة الجمعة اليوم فى زاوية صغيرة بالقرب من عنابرهم.
وكان اللافت بحسب مصادر فى السجن، أن العديد من الوزراء والمسئولين، قاموا بالترحيب، بزملائهم الجدد الوافدين، من قطاع البترول، حيث وصل إلى السجن مساء أمس، المهندس سامح فهمى، وزير البترول الأسبق، ومحمود لطيف، وزير البترول السابق، وإبراهيم صالح رئيس الهيئة العامة للبترول، وإسماعيل كرارة وكيل وزارة البترول السابق، بعدما قررت النيابة حبسهم 15 يوما على ذمة التحقيقات فى البلاغات المقدمة ضدهم، والمتمثقفة بإهدار المال العام، فى عمليات تصدير الغاز لإسرائيل، وكان من أول المرحبين بالزملاء الجدد أحمد المغربى وزهير جرانة، فى حين توجه بعد الصلاة سامح فهى، لتحية علاء وجمال مبارك.
وعقد المغربى وجرانه ورجل الأعمال منير غبور، اجتماعا مصغرا، بحثوا خلاله، وضعهم القانونى وآخر التطورات التى وصلت إليها القضايا المتهمين فيها.
فيما دار نقاش موسع بين صفوت الشريف رئيس مجلس الشورى السابق، ومحمد إبراهيم سليمان وزير الإسكان الأسبق، حول ما نشرته إحدى الصحف اليومية عنهما، وشدد الشريف، وسليمان، على أنهما سيناقشان مع دفاعهما مقاضاة هذه الصحيفة.
ولم يندمج حتى الآن جروب سجناء البترول، مع باقى المسئولين فى السجن، إذ مازال معظهم يعانى من صدمة اليوم الأول فى السجن، وإن كانت إجراءات دعالمهم استمرت حتى ساعة متأخرة من مساء أمس، حتى جاءت عائلاتهم بملابسهم واحتياجاتهم الشخصية.
وعقب انضمام سجناء قطاع البترول، اقترح أحد القيادات بالسجن، أن يتم إجراء مباراة ودية بينهم وبين سجناء وزارة الداخلية إذ يشكل القطاعان حتى الآن أغلبيه.
ومن ناحية أخرى مازال حسين مجاور يشعر بالوحدة، ولم ينضم حتى الآن إلى أى من الجروبات الموجودة فى سجن المزرعة.
ومن ناحية أخرى أكد مصدر أمنى أنه من المقرر أن يزورالدكتور أحمد السباعى كبير الأطباء الشرعيين، ورئيس مصلحة الطب الشرعى، يوم الثلاثاء المقبل وبرفقته اثنان من أطباء القلب والعناية المركزة، مستشفى السجن بطره، لإعداد تقرير عن حالة المستشفى، والأجهزة التى من الممكن أن يتم تزويده بها، لتقديمه للنائب العام المستشار عبد المجيد محمود، تمهيدا لاستقبال الرئيس السابق حسنى مبارك، والمحبوس احتياطيا فى مستشفى شرم الشيخ الدولى أكدت مصادر قريبة من الرئيس السابق محمد حسنى مبارك أن زوجته سوزان ثابت كانت تصرخ فى الساعات الأخيرة من ليلة أمس الأول: "الرئيس بيموت.. الرئيس بيموت" ودخلت فى نوبة بكاء وكان الرئيس السابق قد أصيب بأزمة قلبية وحالة انهيار بعد سماعه نبأ أن النائب العام يدرس نقله إلى سجن مزرعة طرة، وتمسك مبارك بالسرير الذى يرقد عليه فى مستشفى شرم الشيخ الدولى بشدة، وتحدث بصوت عال: "انتو عاوزين تحاسبونى انتوا عاوزين تحاسبونى"، وقال بهستيرية: "أنا أفنيت عمرى على الأرض دى فى وقت الحروب وبعد الحرب عاوزين الآن تحاكمونى وتحاسبونى".
:ss::ss::s زوجة علاء مبارك تغادر شرم الشيخ لزيارته بمزرعة طره
 هايدى راسخ زوجة علاء مبارك كشفت مصادر مطلعة أن هايدى راسخ زوجة علاء مبارك المحبوس حالياً على ذمة التحقيقات بتضخم ثروته، غادرت شرم الشيخ أمس، وتوجهت إلى القاهرة لزيارة زوجها بسجن المزرعة، فى الوقت الذى ظلت فيه سوزان ثابت وخديجة الجمال زوجة جمال مبارك بشرم الشيخ سرور يبكي والشريف يطلب زبادي فرنسي وجرانة يطلب حلاق وعزمي شبشب طبي ونظيف يرفض زيارة زينب
اكد مصدر انة حتى الآن لم يستقبل جمال وعلاء مبارك أي زيارات خاصة، بالرغم من مرور فترة على
حبسهما وفي حال رغبة أحد من أقاربهم في زيارتهما يجب الحصول على تصريح خاص من النيابة العامة،على أن تكون هذه التصاريح قاصرة على الأقارب من الدرجة الأولى والمحامين وفقا للائحة السجون.
ويتصدر قائمة الأكثر زيارة حتى الآن عائلة جرانة،
التي يحرص أفرادها على زيارة زهير وفي مقدمتهم شقيقاه أمير وعلاء جرانة.
أما بالنسبة لزكريا عزمي، رئيس ديوان رئيس الجمهورية السابق،
فإنه تلقى عدة زيارات من شقيقه اللواء يحيى عزمي، ونجله الضابط بجهاز مباحث أمن الدولة السابق.وقالت المصادر إن د.أحمد نظيف، طلب من نجليه شريف
وخالد عدم اصطحاب زوجته «زينب» معهما أثناء زيارتهما له في السجن، خوفا على مشاعرها
وحالتها الصحية، وكانت زوجته زينب قد أصيبت بحالة إعياء شديدة، عقب أول زيارة لها لنظيف،
بسبب حالة البكاء الشديدة التي انتابتها بعدما شاهدت زوجها بملابس السجن البيضاء.
فيما قام د.طارق سرور، بزيارة والده د.أحمد فتحي سرور، وناقش معه في جلسة
مطولة الموقف القانوني فيما يتعلق بحبسه، وكانت إدارة السجن وافقت الخميس على إقامة
صفوت الشريف رئيس مجلس الشورى السابق، ود.أحمد فتحي سرور رئيس مجلس الشعب
السابق في زنزانة واحدة، وهو نفس الأمر الذي تكرر أيضا مع علاء وجمال مبارك،
وبحسب المصادر، فإن علاء وجمال يتجنبان حتى الآن الاندماج مع باقي الوزراء والمسؤولين
المحبوسين معهما، واكتفيا بصلاة الجمعة في مسجد السجن حيث كانت الخطبة عن الصبر،
ثم عادا إلى زنزانتهما المشتركة، وهو نفس الأمر الذي تكرر مع صفوت الشريف وسرور.
كما استقبل د.محمد إبراهيم سليمان زيارة ضمت أبناءه وزوجته منى ضياء المنيري،
كما استقبل أحمد المغربي زيارة من شقيقه شريف المغربي، فيما تحرص مها الحلوجي ونجلاها
محمد وفريدة على زيارة والدهم عمرو عسل بشكل دوري، أما السجين أحمد عز فإنه
لم يتلق أي زيارة حتى الآن من زوجته شاهيناز النجار، في حين قامت زوجته الأولى
خديجة أحمد كامل ياسين بزيارته أكثر من مرة، كما تحرص سحر سليم على زيارة
زوجها أنس الفقي، وشوهد معها أخيرا طفلان من المحتمل أن يكونا ابنيه هناء وأحمد.
وأضافت المصادر أن إلهام شرشر، زوجة حبيب العادلي،
تحرص على زيارته يوم الخميس، ولم تفصح المصادر عما إذا كان العادلي تلقى
أي زيارات من أبنائه الذين يعيشون في مكان غير معلوم بعدما غادروا منزلهم في المهندسين.
وأشارت المصادر إلى أنه يسمح للسجناء من
الوزراء والمسؤولين بالخروج من محبسهم في تمام الساعة السابعة، فيما يعرف بالتريض،
وتمتد هذه الفترة حتى الساعة السادسة مساء موعد إغلاق الزنازين،
وقد سمحت إدارة السجن بقبول 3 وجبات يوميا من الخارج، على أن يتم إدخال هذه الوجبات في موعد واحد،
وفقا للائحة السجون، حيث يمنح قانون الحبس الاحتياطي للسجين جلب طعامه من الخارج،
حتى صدور الحكم عليه بالسجن، وفي هذه الحالة يصبح مجبرا على تناول طعام السجن،
وفيما يتعلق بترحيل سجناء من العنابر المجاورة للوزراء والمسؤولين أكدت المصادر
أن هذه العملية تمت وفقا لخطة تأمين هؤلاء السجناء وليس بهدف توفير الراحة لهم.
كان هذا بالنسبة للزيارات أما عن الحالة النفسية للسجناء الكبار في «طره» فإن د.فتحي سرور
رئيس مجلس الشعب المنحل عند وصوله الى السجن كانت حالته النفسية سيئة جدا
وعند تسجيل اسمه في دفتر النزلاء انهمرت الدموع من عينيه ثم تسلم ملابس السجن
وعندما سألته الإدارة عن استعداده لتناول العشاء رد قائلا: ايوه عاوز فراخ وارز.
ويطرق د.سرور لحظات ليتذكر اللحظات التي سبقت وصوله الى السجن وهي اللحظات التي قضاها في التحقيقات قبل ترحيله الى السجن، فهو كما نقلت احد الصحف القاهرية بمجرد خروجه
من باب غرفة التحقيق بجهاز النهارب غير المشروع بعد قرار حبسه جلس مذهولا
وصامتا وخلع نظارته وأخذ يمسح عدساتها كثيرا. ثم نطق بكلمات  ة
وبنبرة مكسورة قائلا: أنا أتحبس.. آخر حاجة كنت أتوقعها إني أتحبس،
حسبما أكد أحد الضباط المشرفين على ترحيله إلى سجن طره لصحيفة الشروق القاهرية.
وأضافت الصحيفة أنه وبحسب الضابط نفسه،
فقد دار حوار قصير بين رئيس قوة الترحيل وفتحي سرور: اتفضل يا د.سرور.
اتفضل فين يا ابني؟
البس الكلابشات من فضلك.وكمان كلابشات؟ هي الحكاية وصلت لكده عملنا إيه لكل ده؟ دا أنا من أكبر أساتذة القانون في مصر وخرجت معظم
أساتذة القانون ووكلاء النيابة من تحت إيدي وقد يكون اللي حققوا معايا دول من تلاميذي.
حضرتك أستاذ قانون وتعرف إن ده هو القانون، لازم من الكلابشات حضرتك، ما اقدرش أخالف القانون.لا متخالفش القانون أحسن تتحبس معايا، أمرنا لله، اتفضل.
ويضيف الضابط أن سرور لبس الكلابشات في يديه بعدها،
ثم أنزله الضباط في الأسانسير حيث كانت تنتظره سيارة الترحيلات التي أقلته إلى السجن.
وعودة إلى حالة السجناء النفسية في طره،
فان رئيس مجلس الشورى السابق صفوت الشريف الذي يرتدي تريننج أبيض ويرفض الكلام طلب أرز مخصوص لمرضى السكر وزبادي دانون لايت وهو ماركة فرنسية
ومعكرونة ريجيم ودائم التردد على دورة المياه وينادي على حراس السجن بـ سعادة الباشا.
أما د.زكريا عزمي رئيس ديوان رئيس الجمهورية السابق فهو عصبي المزاج وتنتابه حالة هياج وقليل التردد على المسجد ودائم الشكوى من الطعام وطلب «شبشب» طبي من خارج السجن.
وبدأ أحمد عز في التأقلم على جو السجن وأصبحت طباعه أقل حدة بعدما تعرض للسب من قبل المواطنين ونزلاء السجن ورفضت إدارة السجن طلبه بتوفير لاب توب وويرلس. فيما طلب جرانة حلاقا
عز : زهير...يا زهير...انت يابني قوم من عليا...انت فاكر نفسك في بيت ابوك
جرانة : ملكش دعوة بابويا يا قزعة بدل ما اعرفك شغلك انت نسيت نفسك ولا اية
عز : ما تلم الدور يا بوبو داحنا دافينة سوا
جرانة:دافنين مين يا...
نظيف : ما توطي صوتك يابني انت و هو اية الدوشة دي كلها عاوزين ننام
جرانة:خليك في حالك انت يا احمد مالكش دعوة.
عز : انتوا هتعملوا عليا رباطية ولا اية لا فوقوا و اعرفوا انتوا بتكلموا مين
المغربي : يا اخي اتنيل علي عينك بقي هنكون بنكلم مين يا خي زعيم سلاحف النينجا ! ما كلة اتفضح و بان
عز:تصدقوا ان انتوا عاوزين اللي يربيكوا فعلا اخلاق سجون
جرانة : هههههههههههه اخلاق...اخلاق مين يابو اخلاق..دانتا مطبلاتي يلا
المغربي : احلي من الشرف مفيش هأأأأوو
العادلي : في اية يا زفت منك له...انتوا مش هتتلموا و تبطلوا خناق زي العيال الصغيرة..ما تصطبحوا و تقولوا يا صبح !![url=http://files..com/newsmilies/sFi_bat.gif] [/url]
(لحظة صمت)
جرانة : اتكتمنا يا سيدي
عز:مانتاش شايف يا حبيب بيتكلم ازاي,هو نسي انا مين ولا اية
العادلي:لم الدور يا احمد و بلاش عنطزة كلنا في الهوا سوا.
(صوت هاديء ياتي من ركن مظلم (زي المنظر بتاع الافلام الابيض و اسود لما زعيم العصابة يتكلم و احنا مش شايفين غير قفاة))
خلاص يا بهاوات...خلصتوا خناق...نسيتوا الورطة اللي احنا فيها,بدل ما نقف جمب بعض و نساند بعض خلاص هنقطع في بعض,مش كفاية الديابة بتنهش فينا من برا السجن كمان احنا هنضرب في بعض...هي خربت خلاص ولا اية !!
صمت تام و كل واحد فيهم راح يشوف حالة.ما عدا واحد.
العادلي : متحرقش دمك يا صفوت ياخويا دول خلاص السجن لحس مخهم !
صفوت:هما عاوزين يفرجوا علينا المساجين التانيين ولا اية,نسيوا اننا ناس لينا برستيجنا
العادلي:غلبت افهمهم مفيش فايدة,هنعمل اية كل واحد عقلة مريحة !
صفوت:المهم فين الواد جمال
العادلي:متلقح هو و اخوة في عنبر التأديب
صفوت:طب يلا نروحلهم
العادلي:لا و النبي مش عالصبح كدا انا ما صدقت خلصت من وصلة النواح بتاعتهم امبارح,دي عيال نايتي و هيفضلوا يقولولك مامي و بابي .
صفوت:معلش استحمل عاوزين نعدي اليومين دول باقل خساير ممكنة.
=====================================
علاء : جمال...انت صاحي ؟
جمال:و هو انا نمت اصلا ؟
علاء:انا معاك فعلا السراير مش مريحة بس اهو كلها 15 يوم و هنقضيهم
جمال:سراير...تصدق انك بارد و معندكش دم...سراير اية يا زفت ,احنا مستقبلنا كلة بيضيع انت مش شايف !
علاء:انت مكبر الموضوع قوي يا جمال,دا حبس علي ذمة التحقيق,و هنطلع برائة احنا امننا نفسنا و لا اجدعها محامي يقدر يثبت علينا حاجة.
جمال:يا ريتها تيجي علي كدا بس
علاء:خييير في اية تاني ؟؟
جمال:مصر يا علاء...ضاعت مني...قصدي مننا يعني انا و انت,خلاص حلمي ضاع,حتي خديجة من ساعة اليوم المنكوب و هي مبوزة و بتجيب سيرة الطلاق,يا حبيبتي مستحملتش الصدمة كان نفسها جدا تورث مشروع القراءة للجميع.
علاء:متقلقش بقي يا جمال ازمة و هتعدي و كلة هيبقي تمام,احنا نسيب البلد دي خالص و نطلع علي بلد حلوة من بتوع اوروبا و نعيش حياتنا هناك بقي براحتنا..و يا سيدي متزعلش نعملك هنا حزب وطني و نخليك تحكم...مرضي يا عم ؟
جمال:والله انت طالع اعصابك باردة زي ابوك مش عارف جايب الهدوء دا منين
علاء:يا جمال يا حبيبي انت م....
يقاطعهم صوت فتح الزنزانة و دعالم صفوت و العادلي.
صفوت:صباح النور ازيكم يا ولاد
علاء: الحمد لله كويسين
صفوت:مالك يا جمال مبتردش لية؟
جمال:بالذمة دا سؤال...ازيكم؟!! منيلين..مزفتين...مهببين..حلو كدا !!
صفوت:اهدي شوية يا جمال مش كدا عاوزين نعرف نفكر
جمال:نفكر اية و ننيل اية...ماهي خربت خلاص و اتهد المعبد علي صحابة
العادلي:جري اية يا جمال ما تنشف شوية امال و تبطل ولولة زي الستات عشان نعرف نشوف هنهبب اية في الورطة اللي احنا فيها.
جمال:انشف قصدك اية يعني شايفني مش راجل...بقولك اية اتقي شري عشان انا مش ناقصك
العادلي:شر مين ياد يا نايتي ما تتكلم عدل انا عمك يا .....
جمال:عمي الدبب يا....
صفوت : بس خلاص !!
في اية هتضربوا بعض كمان ! علاء,خد حبيب و اطلعوا برا شوية انا عاوز جمال.
===
صفوت:اية يا جيمي مش تروق كدا عشان نعرف نتكلم
جمال:نتكلم نقول اية بس,كلة من الزفت دا,قلتلك نمشية بعض موضوع خالد سعيد اياة مسمعتش كلامي,شوفت
اخرتها,اهو كان سبب اساسي في اللي حصلنا...عاجبك كدا,مش كنت سمعت كلامي و خصلنا منة !
صفوت:مكانش ينفع يا جيمي,مانتا عارف دا نابة ازرق و كان ممكن يعملنا شوشرة و احنا كنا عاوزين نلمعك و نهياك عشان الانتخابات كانت علي الابواب.
جمال:اسكت متفكرنيش بتقطع كل ما افتكر الانتخابات...خلاص راحت عليا.
صفوت:ضاعت مين يا عبيط,هي كلها 3 ولا 4 سنين نختفي فيهم برا لحد ما الناس تهدي و تنسي و بعدين نرجعك بحزب جديد و فكر جديد, و نجيبلك كام شاب من بتوع هبعد عن التعاطي و اختار حياتي و امورك هتمشي بس خليك ورا عمك صفوت تكسب.
جمال:انا ماليش حد غيرك يا اونكل صفوت,حتي علاء اخويا ولا علي بالة كل اللي همة يبعد و يسافر بمراتة و عيالة...
صفوت:ولا يهمك انا وراك لحد ما امسككك مصر, و لو تحب امسكك تل ابيب نفسها همسكهالك,هو احنا عندنا كام جيمي.
==========
نظيف:زكريا...هما الباقيين راحوا فين ؟
عزمي:خرجوا برا يتمشوا,ماهي دي ساعة الرياضة باين.
نظيف:طب ما تيجي نخرج معاهم
عزمي:نخرج مين يا عم,هنخرج نعمل اية,منتخب الناشئين تحت 70 سنة !!
نظيف:يا اخي نخرج نشم هو نضيف بدل كتمة الزنزانة
عزمي:عندك حق نروح ناخدلنا شوية شمس,استني اصحي فتحي.
عزمي: فتحي...يا فتحي...قوم يا فتحي
سرور: موافقة...موافقة...موافقة
عزمي:موافقة اية بس قوم يا عم الكلام دا كان زمان
سرور:في اية ؟
عزمي:قوم خلينا نخرج من الكتمة دي شوية و نشم هوا.
سرور:موافقة
نظيف (هامسا لعزمي):هو مالة ؟
عزمي:يعني انت مش عارفة يا احمد..تقريبا كتمة الزنزانة اثرت علي مخة
======================
(في باحة السجن..نزلاء يتريضون)
عز:الحق يا حبيب بص مين اللي هناك دول
العادلي:يا لهوي...ولا كانك شفته...داري وشك.
عز:اداري اية دا جاي علينا !
العادلي:دا اية المصايب اللي عالصبح دي..اعمل نفسك ميت,اعمل نفسك ميت.
هشام طلعت:اهلااااا بالنيو كامرز منورين يا رجالة,والله والشلة كملت يا عفاريت
العادلي:امشي من هنا يا طلعت مش عاوزين مشاكل
طلعت: مشاكل...هو انتوا لسة شفتوا مشاكل,دا انا هوريكوا النجوم في عز الضهر,خربتوا بيتي...و ديني مانا ساكتلكم و هخليكم تشوفوا نار جهنم في ال15 يوم دول.
(بعد ما مشي)
عز:سمعت قال اية..انا مش مستريح للراجل دا
العادلي...متخافش,المكان مكاننا و الزنزانة انفراديتنا, دا بؤ علي الفاضي مبيعملش حاجة.
==============
في زنزانة واحدة (عايزة الحرق) تجمع اعضاء المافيا المصرية
(جرانة,المغربي,عز,العادلي,صفوت,عزمي,نظيف,سرور,جمال ,علاء)
عز:بقولكم اييية,اللي اولة شرم,اخرة طرة, انا مش فاهم هنعمل اية في الليلة السودة دي.
صفوت:بصوا,احنا لازم نجهز لمستقبلنا,احنا نكلم رجالتنا,يعملولنا حملة حلوة كدا,احنا بردو لازم نحافظ علي سمعتنا,دا احلي من الشرف مفيش !
عز:انا عندي فكرة....نعمل حزب جديد و نسمية, حزب طرة الديمقراطي الاشتراكي الناصري اليميني اليساري الاخواني التقدمي الشيعي الشعبي الجمهوري القذافي...عشان منبقاش سبنا اي حد
جمال : فكر جديد..من اجلك انت[url=http://files..com/funnysmilies/202.gif] [/url]
صفوت:حلو موضوع الفكر دا...بس من غير جديد,خلينا نسمية,حاجة شبابي كدا
علاء:فكر جامد اخر 25 حاجة...من اجل حياة جامدة تحرير (فولو اص)(لايك & شير)
جمال:ايوة حلوة دي عاجباني.
صفوت:خلاص توكلنا علي الله يا رجالة...نحلف اليمين ؟
سرور:اجماع...موافقة.
الكل في صوت واحد....
احلف بسماها و بترابها, و الحزب الوطني اللي خربها
تحيا جمهورية طرة للحرامية...تحيا جمهورية طرة للحرامية.
| |
|
abdo mamdouh
مستشاراداري
عدد المساهمات : 2131
الدولة :
تاريخ التسجيل : 13/03/2011
العمر : 30
الموقع : Ägypten
مزاجى :
المهنة : 
| | موضوع: رد: يوميات مساجين طره ههههه السبت 7 مايو - 18:03 | |
| حلوه......................تسلمى | |
|
ahmedomarmohamad
