الرجاء الدعاء لى بالتوفيق فأنا احتاج دعواتكم بشده

الرجاء الدعاء لى بالتوفيق فأنا احتاج دعواتكم بشده A8

أعزائي اعضاء منتدى سنا مصر

ابلغكم بأنى سوف أنقطع قرابة الاسبوعين عن منتدانا الغالى ...

لكني قبل أن أرحل إلى لقاء بإذن الله لابد ان اطلب منكم

أن ترفعوا أيديكم إلى الباري في ظهر الغيب لتدعوا لي بالتوفيق والنجاح في إختباراتي التى ستبتدأ فى صباح غدا السبت ..

وأن أجيب على الاسئله بجداره واحصل على درجات عاليه..

كل الشكر لقلوبكم الطيبه

اخوكم

وسام البدرى

ادعيلى يا ماما لحسن انا متوتر وخايف لاول مره وشكلى هبهدل الدنيا ومحتاج دعواتك بجد

من غير ما تطلب
بأدعيلك ليل ونهار
ربنا يكرمك بتفوق كما تعودت من وسام ابنى الغالى
وربنا يثبتك وتجاوب الاجابة المتميزة
ودعواتى لك
إنت وبودى وهمس وتووووتى وعمرو
وكل أبنائى وبناتى
يارب يوفقكم

بس على فكرة ممكن رجاء
ياريت ما تبهدل الدنيا هى متبهدلة جاهزة
فكر فى حاجة تانية
بس اوعى تقعد تفكر وتسيب المذاكرة
ههههههههههههههههه
الحمد لله ضحكتك

cheers

وربنا يعدى اسبوع الدمار اللى عندى على خير

امين يا رب انت و انا وعمرو و تووتى وكل طلبة سنا مصر

للاسف ربنا مش استجاب للدعاء لغاية دلوقتى
انا حالتى زى الزفت ووحشه جدا
وزعلان وتعبان ومتشائم نتيجة فشلى الذريع فى اول يومين امتحانات
العربى الورقه الاولى الدرجه النهائيه والتانيه كانت صعبه اينعم حليت احسن
من اغلب المدرسه انما راحت منى درجات كتير ان مكنش اغلب درجاته ده اول يوم
تانى يوم بقى دخلت حافظ كل حاجه واول ما لمست ورقة الامتحان نسيت كل اللى
حفظته زى ما يكون حد عملى عمل وكنت متسرع جدا ومش قريت الامتحان كويس والحل
اغلبه مش صح ومفتكرتش الاجابات الا بعد ما سلمت الورقه وخرجت رجعلى
التركيز وعدم التسرع وكل حاجه بعد ما خرجت
بجد ربنا يستر على درجة التاريخ النهارده ويستر على الامتحانات الجايه لانى
بحالتى النفسيه والمعنويه دى وبنسيانى وعدم تركيزى اللى انا مش عارف سببه
ايه اول ما بمسك الورقه كل اللى فى دماغى بيتمسح كده هتحصل كارثه فى
الدرجات ويمكن كارثه فى حياتى كلها

كلنا سندعو لك و اتمنى ان تكون متفائل شويه عشان الحاله دى لا تؤثر عليك سامعنى يا وسام اصلى مجرب

ربنا يصلح حالك وسام
ليه كدة ؟؟
زعلتنى قوى
مش عشان ما جاوبتش
الامتحانات دى عادى
لكن عشان إرادتك وغزيمتك ونفسيتك!!!!
لالالالالالالالالالالالالا
ابنى الغالى لازم يكون أقوى من كدة
وما يستسلمش بسهوولة
اقعد قول فى نفسك يا أنا يا الامتحان
وكررها
خللى فيه تحدى
يقوى من عزيمتك
وما تفكرش إنك تنسى
وما تخافش من الامتحان دى ورقة
وانت انسان يبقى ازاى ورقة
هتغلبك؟؟؟؟؟؟؟؟؟؟؟؟؟
ماتتقولش ماما بتقول كلام نظرى
لأ صدقنى أيعم الخوف من الامتحان دا شعور طبيعى
لكن إنه يسيطر علينا يبقى دا اللى مش طبيعى
فين غرووور وسام
اللى طلع الاول فى الاعدادية
ثم أصلً احنا السنة دى مش عايزين لا تفوق ولاحاجة
إحنا نا خدها راحة وتهدئة للأعصاب
ممكن بقى تبقى عادى
وبلاش العصبية اللى تعبانى معاك دى؟؟؟؟؟
وربنا يعديلك باقى الامتحانات على خير
إنت وكل الطلاب

ربنا معاك ياوســــام حتى أنا واللله عكيت عك فى الحاسب والعربى لما قلت بس العربى يمكن فيه
سؤالين ولا حاجة وماكنتش عارفة انهم غلط لكن الحاسب هو اللى بصراحة زعلنى قوى عندى فيه
أكتر من أربع أسئلة ومش عارفة الباقى صح ولا لأ مع ان الكل كان بيقول الامتحان سهل ومافيهوش
حاجة بس مش عارقفة ايه اللى حصل يلا دة قدر لازم نرضى بيه ومش لازم نستسلم ماتضعفش ايمانك
بيأسك دة ياوسام وخدها نصيحة من أختك

"""العظيـــــــم هو الذى يضحك والدمــــوع على وشك الانهيار """"

مش حطول عليكم
وفى النهاية ربنا معانا جميعا وباوجه
كل الشكر لأمى الفاضلة سناء

بص وسام انا زيك تمام بس للصراحه
اول يوم العربى كان تمام
اما الكمـــــــيــــاء
كانت
الصدمه
هناك
فى ورقة الامتحان
يمكن كان سهل
بس
الورقه مكبوسه اسئله كان طويل جداا
زحمت الورقه دى عملت خوف بداخلى
وسام اول ما تقعد امام الورقه سمى الله و ما تقرأ الورقه كلها حل سؤال سؤال
وفعلا تسلمى ياتووتى عندك حق فى كلامك

وبعدين انتو اللى هتنورو موضوع#الناجح يرفع ايده#
ربنا معاكم و مايا و مع كل الطلبه و الطالبات

الحمد لله أخيراً وسام ظهر
حمدالله على السلامة
تعبت اعصابنا
تبقى عمرو الذى انقطع النت من عنده فجأة

وتووووتى المريضة
دعواتنا لها بالشفاء
ودعواتنا للجميع بالنجاح

عمرو جهازه بايظ على ما اظن

حمدالله على السلامه وسام

الف سلامه تووتى

شكرا للجميع
الحمد له بقيت تمـــام

الله يوفقك يا توووووتى

صديقتك لولو

حمد الله على السلامه و سام
وتووتى وعقبال عمرو

أنا بيحصلى نفس الكلام أول ما أمسك الورقة أحل كلب شئ فى الكتاب الخارجى وأحفظ والله أسمع الدرس أحسن من أسمى واجى امسك الورقة تمحى ذاكرتى لعى الفور
وأول منسلمك الورقة أفتكر الاجابات ونا لسة مطلعتش من الفصلل حتتى
"قل هل أنبؤكم بالأخسرين أعمالاً االذين ضل سعيهم فى الحياة الدنيا وهم يحسبون أنهم يحسنون صنعا"
ياااااااااااارب وفقنا جميعا إلى ماتحب وترضاه درجاتى مش درجات وحدة تجيب صضيدلة أبدا
دى متوديش حتى معهد

» بالتوفيق يا رجالة
» دعواتكم يا مسلمين
» دعواتكم معى لأبوى أبو حيدر
» دعواتكم معى لأبوى أبو حيدر
» دعواتكم بالشفاء لكل مريض مسلم