الله يرحمك

الله يرحمك يا سبت

في كل بلكونة ف البيت..
كان السبت المتعلق..
ديما ع الحيط..
أنزله يرجع بالفول..
وعمره يوم ما دلق لي الزيت..
وأنزله يرجع جورنان..
وأنزله يرجع بالعيش..
وأنزله يرجع قمصان..
ف وسطهم أفرول الجيش..
وأنزله يرجع إنسان..
وأنزله يرجع نسمة..
وطفل لسه مش طايل..
سور الكورنيش..
وأنزله يرجع أفراح..
يوم النتيجة وزمايلي..
وشهادة نجاح..
وأنزله يرجع جوابات..
وأنزله يرجع حكايات..
دقة قلبي..
أول مرة قلت أنا حبيت..
وأنزله يرجع أيام..
وأنزله يرجع أحلام..
دلوقتي بنزل أنا والسبت والبيت..
ونرجع إيد ورا وإيد قدام..
لا فرح معانا..ولا حتي إبرة وخيط..

بحب البرد
و يا سلام لو حد هرب م الدوشة و راح و جابلي ورد
و أموت م الفرحة و الدهشة لو كتبت قصيدة و قولتلي : " حلوة قولها تاني"
اتنطط زي العيال الصغيرين وأقولّك إحلف والله العظيم بتتكلم بجد؟
يمكن عشان أيام الفرح قليلة و سهل تتعدعارف؟رغم إن المخازن كل يوم بتتحرق
و مفيش حساب ولا جردو رغم وجود السيرك والأراجوز و التلات ورقات وجوز و فرد
عمري ما اتمنيت أكون أميرأو ولي عهد لكني بأحلم بوطن
مفيهوش ولا حارة سد وطن بيفرح بحاجة غير وصول الأهلي لليابان
و حزنه أنبل م الدموع البلاستيك و عمليات التجميل و الشفط و الشدعارف؟
رغم إنها بتقع بتغر قبتتنيّل بستين نيله لكن جميلة و عمرها ما هاتتهد عشان كدةانا لسه بأحب حاجة و لسه ف قلبي حد

من كتر الحزن
من كتر ما الحزن رطرط..مبقاش خلاص يتحس..فضلت الأحلام..
تتقص تتقص تتقص..لحد ما بقت ف النهاية..
رغيف..وكيس بلاستيك.وبس..
عارف..بصحي قلبي..عشان يحب..
قام بقرف..واتلفتلي وبص..
ورجع نام تاني

ورد وشمع
جابت ورد وشمع..
وظبطت الإف إم..
وطفت النور..
وقالتلي..
وأنت معايا بتحس بإيه..
قلتلها ولا حاجة..
قامت.. ولعت النور
وراحت غابت حبة..
ورجعت سألتني برقة..
طب لما بغيب عنك..
بتحس بإيه..
قلتلها برضه ولا حاجة..
قالتلي بجد..
قولتلها أمال هزار..
قالتلي..
والنيلة الأغاني اللي بتكتبها
والزفت الأشعار..
قلتلها بس أمي قالتلي..
اللي بيكدب بيروح النار..
بصتلي من فوق لتحت بكل احتقار..
وقالتلي
ابقي خللي أمك تنفعك

زي الجن

ساعات كده بعيد عنك
يجيلي كرشة نفس
وألم ف المعدة
ودربكة ومغص
وساعات أحس
إني شوية أمراض
محطوطة ف قفص
بس ماشي الحال
وساعات من غير سبب
أجري ع الحمام
ويجيلي برد وزكام
وساعات أسهر
وساعات م العصر أنام
وساعات ألاقي
صعوبة ف الكلام
وده تقريباً طول السنة
وساعات أحس
إني مش أنا
بس زي الجن
فاكر اسمي واسم مراتي
وأسامي العيال
وعلي طول بقي
جسمي مكسر ومهدود
صحيح باكل وأشرب
واضحك والعب
بس مش موجود
ومعرفش ليه عيني بترف
عمال علي بطال
هو أنا عندي إيه يا دكتور

غسيل قلوب
---
هي القلوب بتتغسل..
زي الهدوم..
وإزاي بتغرق ف الغرام..
وإزاي تعوم..
وإزاي بتبقي طوق نجاه..
وبتبقي شط..
وإزاي بتنخل الكلام..
وإزاي بتعرف أي خط..
وإزاي بترقص م الفرح..
وإزاي بتقتلها الهموم..
وإزاي بتبكي وتبتسم..
واشمعنا يعني بتترسم..
فوق الشجر..
ساعات بتدبل ف الربيع..
وساعات بتعشق المطر..
ليه لما بتبطل غونا...
بنحس فعلا...
بالخطر

ومفيش صديق
ومفيش قمر..عشان نشوف..فين الطريق..إيه يا عم الشاعر..
طريها شوية..ومش كل اللي تشوفه..في عينيا تقوله..
خليك جدع..أصل الكلام صحي الوجع.
.ما تيجي نضرب الودع..هو النسيم ساب البلد دي..
ليه وطفش..يمكن من الخوف والعطش..
معقول يكون اتباع كمان..
حتي الأمان برضه اتلطش..
يا عم أبوس إيدك.أكتب لنا غنوة فرح..
تنفع نغنيها سوا.
طب أقولك..
تعالي نتعشا فول..

جايز يضربك الهوا..وتفقد الذاكرة..
وتعرف تكتب

تسلم الايادى

شكرا بودى
شكرا ايمى

بارك الله فيكى
ننتظر جديدك

» لعيبة الكورة بعد حكم الاخوان والعيبه الكوره بعد حكم الاخوان والسلفيين الأول: إرفعها جزاك الله خيراً الثاني: استلم بارك الله فيك الثالث: سدد على بركة الله ... ... ... ... اللسلفيين ههههههههههههههههههه
» سبحان الله 11 توأم مرة واحدة بسم الله ما شاء الله
» سلسلة بالفيديو المنهج الحديث محمود الصعيدي درس بدرس انشاء الله بحيث نكون كملنا المنهج كلو انشاء الله وباذن الله السلسلة هتكتمل
» لا إله إلا الله، ما أرحم الله، ما أحكم الله
» المنحة الربانية ذكر لرسول الله صلى الله عليه وسلم ناس يصومون رجب، فقال: أين هم من شعب