ليه كل حاجه مش عادى بقت عادى

السلام عليكم ورحمة الله وبركاته

النهاردة أنا هتكلم معاكم فى موضوع مهم اوى واتمنى مشاركاتكم ومعرفة ارائكم

عاوزين نصحح المفاهيم ونعدل المشقلب ونظبط المعووج ونعدل المقلوب

سؤال يتكرر فى ذهنى

ليه كل حاجه مش عادى بقت عادى !!

ليه يا جماعه !!

ليه لما نقعد مع بعض فى مكان ونتكلم فى اعراض الناس بقت عااادى مع انه مش عاادى !!

ليه لما امشى فى الشارع والاقى شاب ولا بنت راكبين عربية ومشغلين الكاسيت على الاخر وعمالين يسقفوا ويهيصوا واقول عااادى مع انه مش عااادى !!

ليه لما اكون فى الجامعة والاقى البنات عاملين فى نفسهم البدع اللى حاطة كيلو بودرة على وشها واللى مغيره خلقتها واللى لابسة ضيق هيفرقع ولا حتى لا بسه حجاب على الموضة وابص واقول عاادى مع انه مش عااادى !!

ليه لما اروح مكان هادى والاقى ولد بنت ماسكين فى ايد بعضه وعمالين بيحبوا فى بعض واقول عااادى مع انه مش عااادى !!

ليه لما اروح عند حد والاقيه مشغل التليفزيون على فيلم ساقط ولا كليب ماجن ولما اجى اقوله مينفعش كده يقول عااادى مع انه مش عااادى !!

ليه لما الاقى بنت محجبة وقاعدة على كافيه وبتشرب شيشة وابصلها واقول عااادى وهو مش عااادى ابدااااا !!!

ليه لما الاقى اب وام ماشين فى الشارع ومعاهم بناتهم لابسين لبس فاضح يكسف واقووول يااااه عادى جدا وهو مش عاادى خالص !!

ليه لما الاقى بنت ماشية فى الشارع بعد 12 بالليل لوحدها ولو سالتها مروحتش ليه تقول عااادى لسه بدرى وهو مش عااادى ابدا !!!

ليه لو اتعزمت فى فرح ولقيت العروسة بعد ما كانت محجبة قلعت حجابها وتقولها ليها تقولك عادى ما هى ليلة العمر وهو مش عادى !!

ليه لما تروح الفرح وتلاقى البنات كاسيات عاريات وحطين مكياج ومغرقين نفسهم برفان وتسأل ليه يقولواعادى
فرح بقى وهو مش عااادى !!

ليه لما تركب وسيلة مواصلات وتلاقى الشاب قاعد والعجوز واقف والشاب ولا اكنه شايف حاجه عااادى وهو مش عاادى ابدا فين النخوة والرجولة !!

ليه لما الاقى اب ولا ام هيموتوا من الحسرة لان اولادهم رموهم فى دار مسنين واقول عااادى اصل ولادهم مشغولين وده مش عاادى ابدا

وليه وليه وليه

لو هفضل اتكلم من هنا لبكرة مش هخلص من كلمة
عــــــــــــــــادى

يا ترى يا جماعة هو فعلا عاااادى !!
عادى التبرج
عادى السفور
عادى الغيبة والنميمة والكذب
عااادى
عاادى سماع الاغانى
عاادى اللبس الضيق
عاادى الحب داخل الجامعات وفى الطرقات وخارجها !!

عــــــــــــــــــــــــــــــــــــــــــــــادى
يا نااااااااااس

طيب ازااااااااى عااادى؟
هو ده اللى امرنا به الله عزوجل ولا اللى علمهولنا النبى محمد صلى الله عليه وسلم

هو ده اللى اتربينا عليه
هو ده الاسلام والدين !!

طيب هو ليه اللى مش عادى بقى عاادى واللى عااادى بقى مش عادى

يعنى الملتحى الناس بتبصلهم بغرابة والشاب الفانكى الروش الناس شايفه انه عادى

يعنى المنتقبة الملتزمة بقت متخلفة ورجعية والبنت المتبرجة بقى ده الطبيعى

يعنى اللى بيتفرج على قنوات دينية بقى متشدد وناشف واللى بيتفرج على مسلسلات وافلام بقى روش واون لاين

يعنى اللى ماشى مشغل الاغانى بصوت يخرم الودان هو ده اللى عايش حياته انما اللى مشغل قران فى عربيته بيزعج اللى حواليه ومبيعملش حسابهم

يعنى ....................

لا حول ولا قوة الا بالله

المفروض يعنى هو ده اللى يحصل

المفروض ده اللى بقى عااادى

ازاى يعنى

الدنيا بقت ماشية بالمشقلب

الصح بقى غلط والغلط بقى صح
!!!!!!!!!!!

موضوع رائع

بارك الله فيك

شكرا لمرورك صمت

جزاك الله كل خير وجعله فى ميزان حسناتك

موضوع فى غاية الروعة والجمال

اشكرك بشدة

موضوع جميل جدا بارك الله فيك

» يوم غير عادى
» اليوم المفتوح يوم غير عادى
» متعرفش حاجه ههههههههه
» سمعتش اى حاجه ههههههههه
» ممكن اقولكم حاجه .........