انا ابويا فاسد ... بس فخور.. "عجبي"

السلام عليكم ورحمه الله

عنوان الموضوع عجيب انا عارف بس ده بقي عادي اوي اليومين دول بعد ثوره 25 يناير وناس ( مش كتير ) فرحانين بكده .. الجماعه بتوع ابناء مبارك ..

بجد حاجه تخليك تبقي حزين علي حال الدنيا وعلي ان مصر فيها ناس بالشكل ده .. ناس منتفعين من عصر راسمألي فاسد بكل معايير الكلمه ويقولوا الكبير لا يهان و كلام بجد شعارات كدابه بطريقه مستفزه ..

اسباب كرهي الشديد للناس دول مش لمنطقهم المعروف انهم مرتشيين وخدامين لالا انا بكرههم لانهم حتي مع قبولهم الرشوه قبلوها من الناس الغلط ( مبارك والحراميه الكبار)

______________

للعلم يا جماعه انا مقدر تمام التقدير حجم الضبابيه الاعلاميه السابقه بسبب انس الفقي - الله لا يرحمه - والفتره بتاعت الثوره ايام ما كنا بنقول يا رب حتي يولعوا في ميدان التحرير واللي فيه في ايام الثوره ..

نرجع لموضوعنا الاساسي ليه مبارك مينفعش حد يقول انه ابوه :-

1- لان مبارك من اوائل معتقلي الشيوخ بتهمه صلاه الفجر جماعه

2- مبارك من اوائل مبتكري ظاهره توريث الحكم ونجح تطبيقها النظام السوري وادينا شاهدين ع اللي بيحصل ف سوريا حاليا

3 - مبارك اول من باع بلده ببلاش لمن يطلقون علي انفسهم لقب مستثمرين مع العلم ان مسماهم الصحيح لصوص الشعوب

4 - مبارك هو اول من فرض علي مصر نظام الحزب الواحد الغير مسموح لغيره بمناقشته او حتي مجرد سواله

5 - مبارك من اوائل مؤسسي نظام قول اللي انت عاوزه وانا هعمل فيك اللي انا عاوزه .

6 - اول من سعي لتوليد فتنه لاتاحه الفرصه لامن الدوله لارهاب الناس

7 - اول رئيس يضمن لمرشحي حزبه الفوز البرلماني والحصول علي السلطان بتقديم الهبات له

... بجد اسباب كتير كتير كتير مش هقدر اجملها كلها لان من كتر الكلام اللي الواحد شايله بنساه

_____________

السوال الاساسي ليه انا فتحت الموضوع القديم ده عشان انا سمعت حوار تلفزيوني عن ناس بتتكلم عن صلاحيه مبارك الطيب الانسان لا اله الا الله .. طب تخيلوا معايا المحامي السفيه اللي رفع قضيه ارجاع اسم مبارك علي المنشأت لا حول ولا قوه الا بالله طب ازاي يجيله نخوه يعمل كده .. والناس اللي بتقول مبارك من محاربي اكتوبر انا اراهن واقسم بالله ان مبارك مليون ف الميه حارب ف اكتوبر 73. عشان مجد شخصي او لخوفه من عصيان اوامر السادات والقاده لا لانه بيحب البلد ولا باكي عليها اطلاقا لانه ببساطه باع البلد بالناس عشان الدنيا والحكم .. كلامي بالرغم من كتره هجيب اخره عشان انا مش لاقي اللي اعبر بيه عن حزني ع اللي بيحصل .. تخيلوا يا جماعه ان انتخابات الرئاسه قبل الثوره كانت هتبقي شهر نوفمبر القادم . طبعا جمال مبارك كان هيترشح للرئاسه ويكسب ونعيش في الذل والهوان الي ان يشاء الله - الحمد لله وجود شباب شرفاء مثل شباب ثوره يناير في مصر - .. والي جماعات المرتشيين خادمين بابا مبارك بقيت ايه واحده اذكركم بها

يريدون ان يطفئو نور الله بافواههم والله متم نوره ولو كره الكافرون

اعجبنى فنقلته اليكم

شكرا لك بارك الله فيك