حلوة الدموع ياصحاب

إهداء لكل الأصدقاء والناس اللى حبيتهم
ــــــــــــــــــــــــــــــــــــــــــــــــــــــــــــــــ

كنا صغار و كبار و مابيننا كان أسرار

خدنا الطريق على فين و مشينا كام مشوار

الماضي في عينيا و بعيش و انا بينكم

أحلامي طفولية و بشوفهابعيونكم

حلوة الدموع ياصحاب وأنا لسه وسطيكم

ومفيش لاسور ولاباب ولا رعشة ف ايديكم

نفسي في ايدين دافية ولا ف عيون صافية

انا ليه بقابل ناس تضحكلي بالعافية

يا صحابي إيه المانع راجعين وانا راجع

للمة عالناصية و اللعب في الشارع

نضحك بحرية نفرح ولو لحظات

أيامنا حنية نلضمها بالحكايات

حلوة الدموع يا صحاب وانا لسة وسطيكم

ومفيش لا سور ولا باب ولا رعشة ف ايديكم

يا صحابي بسبقكم و ف قلبي أشواقكم

ومهما قولتولي دايما بصدقكم