ايه التناكه دى يابنى؟

فى حاجه دلوقتى غايظانى ومخلعه النوم من عينى
ومنتشره فى كل حته هى:
الغرور او التناكه بالبلدى

تيجى كده تسال واحد مثلا : هو الدكتور الفلانى نزل المذاكره
بتاعة الماده دى فين؟
يقولك معرفش وهو ماسكها فى ايده اصلا
تيجى تسال واحده تقولها المحاضره الفلانيه الساعه كام؟
تقولك دور بنفسك
واحد تانى تقوله يا كابتن الدرس الفلانى امتى
ده بقى جايب مالاخر وميردش اصلا

ده طبعا غير اللى يرد ويقولك عن مكان غلط بس على
الاقل اهو رد وخلاص
بس الحكايه بتحصل كتير قوى

انا بقى عايزاعرف كل واحد منكم يتعامل ازاى مع واحد منفوخ ؟
او واحده منفوخه؟

يعنى لو ضرورى تتعامل معاه فى الشغل
او الدراسه هتكلمه ازاى؟
هتنفضله وتحلقله وتعامله نص نص؟
ولا هتتعامل معاه عادى وبنفس طريقتك
اللى بتكلم بيها اى حد؟
ولما تتعامل معاه هتتخنق من اهله ولا هتبقى كول
ومكبر الجمجمه ؟

هتنفضله وتحلقله وتعامله نص نص

ولو منفعش

هضربه

أعامله عادى خالص
ولا كأنه بيعمل حاجة
وكمان بطبيعتى
بس على قدر الحدود وفى أضيق الحالات
وفى نفس الوقت برضو
هأبقى كول
ومكبرة الجمجمه
*************
بس ان جيت للحق عندك حق
دول زادوا قوى قوى