معلومات عن الجيش المصرى

الجيش المصرى النهارده





اف 16 فالكون دراع الجيش المصرى الطويله.

الجيش المصرىActiveCountry

Egyptian Army Insignia

مصر

مع ان مصر بتنعم بالسلام بعد اتفاقية السلام مع اسرائيل اللى نهت الحروب
المتواصله و نزيف الدم ع الجانبين ، لكن مصر موقعها فى وسط منطقه مضطربه و
متخلفه من العالم ممكن تقوم فيه صراعات فجاءه و مصر بطبيعة الحال ليها
اعداء فى المنطقه لو حسو بضعفها ممكن يعتدو عليها أو على مصالحها.

الجيش المصرى دلوقتى من اقوى جيوش العالم و بيحتل المركز الحداشر على
مستوى العالم ، بقوات نظاميه بيوصل عددها لحوالى نص مليون زائد مليون
احتياطى، و متسلح بأحدث الأسلحه ، مصر بعدد سكانها الكبير فى امكانها تعبئة
جيش ضخم جداً فى حالة الحرب ، و مع اسرائيل بيعتبر الجيش المصرى اقوى جيش
فى منطقة جنوب البحر المتوسط زى ما كان فى معظم فترات تاريخ مصر الطويل
المتواصل.

المعلومات المتاحه بتقول ان مصر بتملك تانى اكبر قوه جويه فى الشرق الاوسط قبل تركيا
و بعد اسرائيل ، و من ضمن اسطولها الجوى الضخم 220 مقاتلة من نوع إف-16
فالكون بتمثل العمود الفقرى للاسطول الجوى المصرى و دراعها الطويله ، و مصر
رابع مستخدم للنوعيه دى من الطيارات على مستوى العالم. و بتملك مصر 4000
دبابه منها 700 دبابه متقدمه من طراز "إبرا مز" الأمريكية ودبابات
"البرادلى" و عدد ضخم من المدافع ، و بتملك أكبر عدد من صواريخ أرض – أرض
على مستوى العالم بعد الصين وروسيا والولايات المتحدة
و بالنسبه للقوات البحريه فبحرية مصر هى اقوى بحريه فى افريقيا والشرق
الأوسط و بيتكون اسطولها من فرقاطات و مدمرات و بوارج و غواصات و قوارب
صاروخيه و غيرها، و بتقول المعلومات ان مصر عندها قمر صناعى للتجسس اسمه "
ايجبت سات واحد " و بتحضر لاطلاق غيره فى الفضا
معلومات
بتنقسم القوات المسلحه المصريه النهارده لأربع فروع رئيسيه هى
القوات الجويه المصريه ، هى أقدم و أعرق سلاح طيران فى الشرق الأوسط و بيعتبر أقوى سلاح طيران فى الشرق الأوسط و بيملك اسطول من أحدث الطيارات القاذفه و المقاتله وطيارين على كفاءه عاليه.
إتأسس سلاح الطيران المصرى سنة 1928 كجزء من الجيش المصرى قبل ما يبقى فرع عسكرى منفرد. أول قائد لسلاح الجو المصرى كان كندى اسمه ڤيكتور هيربيرت تايت.

سلاح الطيران المصرى شارك فى معارك و حروب من ضمنها حرب اليمن و الحرب الليبية و حرب الاستنزاف و حرب اكتوبر 73 اللى أظهر فيها تفوق كبير دك فيها القواعد العسكريه الاسرائيليه قبل عبور القوات البريه قناة السويس و إقتحام خط بارليف . و فى وقت الحرب ، يوم 14 اكتوبر ، قدر بكفائه عاليه انه يتصدى للمقاتلات الإسرائليليه فوق الدلتا فى معركة المنصورة الجوية الضخمه اللى شاركت فيها حوالى 150 طياره من الطرفين و قدر الطيارين المصريين بطيارات ميج انهم يوقعو 18 طياره اسرائيليه فانتوم من أحدث الطرازات وقتها مقابل 3 طيارات بس.

بعد تصالح مصر
و اسرائيل و عقد إتفاقية السلام و انهاء حالة الحرب بينهم استمر تطوير
السلاح الجوى المصرى عشان يبقى قوه رادعه لأى محاوله تطاول من أى بؤره من
بؤر المنطقه المحيطه بمصر و المليانه بصراعات و مشاكل وأطماع بتهدد السلام
العالمى.

القوات الجويه المصريه هى تانى أقوى قوات جويه فى الشرق الاوسط قبل تركيا و بعد اسرائيل .

بيملك الطيران الحربى المصرى النهارده أحدث أنواع الطيارات منها حوالى
220 طياره من نوع إف-16 فالكون اللى بتمثل العمود الفقرى للاسطول الجوى
المصرى و دراعه الطويله. مصر هى رابع مستخدم للطياره القويه دى على مستوى
العالم ، و طيارات الانذار المبكر إى تو سى و ميراج 2000 و طيارات نقل سى
130 و طيارات الهيلوكوبتر من نوع الاباتشى. و فيه تعاون بين مصر و الصين فى
انتاج الطيارات النفاثه المعاونه زى الـ‏K8‏ .

فى ديسمبر 2009 قررت مصر اضافة 24 طياره إف-16 لقواتهاالجويه.

الفريق رضا محمود حافظ هو قائد القوات الجويه المصريه حالياً.
قيادة الدفاع الجوى المصرى تعمل على إدراة منظومات أسلحة الدفاع
الجوي واللي منها: الصواريخ المضادة للطائرات (صواريخ أرض-جو)، المدفعية
المضادة للطائرات، ومنظومات الإنذار المبكر والرادار.
القوات البحريه المصريه ، الأسطول البحرى المصرى هو اكبر اسطول فى
الشرق الأوسط، بيشتغل فى القوات البحريه المصريه حوالى 20.000 ما بين ظابط و
عسكرى على متن اكتر من 220 قطعه بحريه بأحجام و نوعيات مختلفه.
القوات البريه المصريه اتشكل الجيش المصرى الحديث فى عهد محمد على باشا سنه 1830

الجيش المصرى هو أكبر جيش برى فى أفريقيا والشرق الأوسط تعداد عساكره النظاميين 340,000 عسكرى غير 375,000 فى الاحتياط
الجيوش المصريه

.
قوات من الجيش المصرى وقت حرب عاصفة الصحرا لتحرير الكويت
رتب الظباط

• ملازم
  
• ملازم أول
  
• نقيب
  
• رائد
  
• مقدم
  
• عقيد
  
• عميد
  
• لواء
  
• فريق
  
• فريق أول
  
• مشير
  

درجات العساكر

• عسكرى
  
• عريف
  
• رقيب
  
• رقيب أول
  
• مساعد
  
• مساعد أول
  

• جيش المنطقة المركزية متواجد في المنطقة المركزية(العاصمة)
  
• الجيش الثاني من بورسعيد وحتي الإسماعيلية
  
• الجيش الثالث من الإسماعيلية وحتي السويس
  
• جيش المنطقة الشمالية علي ساحل البحر المتوسط
  
• جيش المنطقة الجنوبية جنوب مصر
  
• جيش المنطقة الغربية غرب مصر
  

علم الجيش المصرى

شكراً لكِ نوسة
جيشنا المصرى هو كرامتنا
قد نختلف وقد نتفق
قد نتناقش بعنف أو حدة
ولكن تبقى مصر فوق الجميع
ويبقى جيشنا قوى ثابت
عاشت مصر حرة

مشكووووووووووره على المعلومات القيمه وبارك الله فيكى