حزر فزر ماذا حدث للـ...............؟؟؟؟؟؟؟؟؟؟؟؟؟؟؟؟؟؟؟؟؟؟

حزر فزر ماذا حدث للـ...............؟؟؟؟؟؟؟؟؟؟؟؟؟؟؟؟؟؟؟؟؟؟

بعد أدائى امتحانات الثانوية العامة وفى يوم الخميس والدتى كانت صائمة

بعد الافطار وشرب الشاى تطوعت لغسيل
الأطباق وتشطيب المطبخ وكنت لابسة ترنج جديد لإنه كان يوم عيد ميلادى

وتم
الحمد لله على خير وفى آخر كوب بأغسله لقيته اتزحلق من إيدى وإترفع لفوق ونزل على
الحنفية ( صنبور المياه) ثم على إيدى
اليمنى ومنها سقط فى حوض الأطباق الصينى

لما خبط فى إيدى حسيت بدم نازل فبسرعة مسكت
بإيدى اليسرى الجرح وضغطت عليه على إنه جرح عادى ، وطبعاً لإنى بأخاف حتى من لون
الدم حسيت بهبوط ودوخة ووقفت زى التمثال مش قادرة اتحرك ولا أتكلم ، ووبالصدفةأختى
داخلة المطبخ لقيتها بتصرخ وتنادى على أهل البيت ، الدم كان مغرق الدنيا "
الحوض ، الأرض ، الترنج الجديد " كل شئ فى المطبخ أصبح لونه أحمر .

ماما قالت أكيد هذا شريان واتقطع

ولإننا كنا بلد أرياف وبننام بعد العشاء
مباشرة ، فى هذا الوقت لا كان موجود

سيارة ولا دكتور فى عيادة ولا أى شئ فى
الشارع يوحى بالحياة

ربنا كرمنا بسيارة للجيران كانت واقفة
أخدتنا للمستشفى ، وهناك الحمد لله تم خياطة الجرح من الداخل والخارج وطبعاً من
غير بنج لإنى كنت استنفدت دماء كثيرة والحالة خطرة وبعدها تم نقل دم لى من أحد
الجيران " المستشفى اتملأت بناس لا
ليهم أول ولا آخر"

والحمد له عدى الموضوع على خير

وفى الصباح ألاقى كل شوية مجموعة ممرضات
يبصوا عليا ويطلعوا...... وييجوا غيرهم

فأقول بيطمنوا علي حالتى !!!!!!

لغاية ما جات ممرضة وقالت لى " ليه يا
بنتى تعملى كدة ؟؟؟ هو الانتحار فايدته إيه ؟؟؟

ذُهلت ..انتحار؟؟؟

هو حكايتك إيه ؟؟ قصة حب فاشلة ؟؟ وألا خطوبة
مش عايزاها ؟؟وألا ...؟

ما عرفتش أرد عليها ، إيه الكلام دا ؟؟

أتارى الإشاعات عملت شغلها قلتلهم يا جماعة
روحونى الله يخليكم

والحلو فى الموضوع إن أول ما دخلت بيتنا
اتقدم لى فى نفس اليوم 4عرسااااان

"هو هيكون موت وخراب ديار ، لازم حاجة
فى النص تفرح" ههههههههههههه

وطبعاً أخدنى الدور وقلت مش عايزة شفقة من
حد ورفضتهم كلهم "عقل بقى"

ههههههههه

المهم هذا ليس موضوعنا ولا فزورتنا ولا
سؤالنا

سؤالى
هو .............

حزر
فزر ماذا حدث للكوب بعد ما تسبب فى كل
هذا؟؟؟؟؟؟؟؟؟؟؟؟؟؟؟؟؟؟؟؟

فكروا.......
هأسيبكم فترة للتفكير أكون خلصت الدورة التدريبية بتاعتى
على يوم الخميس بإذن الله

ههههههههههههههههههه
والله كويس قصه جميله جدا ومثيره كمااان
عامله زى الافلام
المهم مش موضوعنا
نتخيل بقى الكوب بعد كل ده حصلووا ايه

اكيد اتكسر

حاجة غريبة جدا امااما

وقصة غريبة جدااااااااا

الكوباية دى بقى لو شوفتها

انا مش عارفة حاعمل فيها

ايه ازاى تعور مامتى حبيبتى

اللى حصل لها بقى ممكن تكون

ماحصلهاش حاجة وفى الحالة

دى بقى اجبارى حتجيبيهالى

علشان اخلص طارى

ha ha ha ha

حكاية غريبة فعلا

أكيد الكوب اتكسر

بجد هذا ما حدث
و اللى أغرب بصحيح
إن زى توووتى ما قالت
الكوب وقع فى الحوض ولم يتكسر
وإيه كماااااااااان؟؟؟؟؟؟؟؟؟
دا وقع واقف مظبوط ولا كأنه عمل حاجة
وحسيت إنه بيطلع لى لسانى
حزر فزر ماذا حدث للـ...............؟؟؟؟؟؟؟؟؟؟؟؟؟؟؟؟؟؟؟؟؟؟ 994274375

حزر فزر ماذا حدث للـ...............؟؟؟؟؟؟؟؟؟؟؟؟؟؟؟؟؟؟؟؟؟؟ 994274375

ههههههههههههههههههههه
دى حكاية الكوب
وإلى الآن كل ما فيه شخص يشوف
أثر الجرح ويسأل من إيه هذا؟؟
وأحكى الحكاية
لا يصدقها

فعلا كوب رخم

انا لو من حضرتك كنت اول مروحت من المستشفى

كنت كسرته او رميته

هههههه

ههههههههههههههههههه

دا كوب مبارك بيجيب 4 عرسان فى اليوم

لازم توزعيه على البنات

هههههههههههههه

هو الكوب دة لسا موجود

ولا ؟؟؟؟؟؟؟؟؟؟؟؟؟؟؟؟؟؟؟

» ماذا تقول انت
» نكسة 67 ماذا حدث
» قل لى ماذا تاكل اقل لك من انت
» ماذا بعد رمضان
» ماذا تفعل ان ....