اراء سنا مصر فى احوال مصر مع سلوى حبيبة

طبعاً فى ظل الأحداث اللى محدش فاهم فيها اى حاجة فى اى حاجة

مو مين صح و مين غلط

فية اسئلة كتيييييييييييير جداً

عيزين نعرف اجبتها من العضوة سلوى حبيبة


طبعاً انتى عارفة كل الحكاية بتاعت الأخوان

و زهقتى من الاخبار

اتكلمى بقى عن كل خبر و عن رئيك فية

انا مش هحط اسئلة معاكى حرية اختيار الأسئلة و الرد عليها بنفسك

و تفهمينا اللى بيحصل فى البلد و انبى احسن انا خلاص بقيت مشتت ومش فاهم حاجة
و لكى جزيل الشكر :*

  

اولا شكر لاختياري انا بالذات ( معرفش ليه ) عشان اجاوب ( على اساس ان انا فاهمة مثلا )
ثانيا اجاوب انا من غير اسئلة دي توريطة
بس ما علينا
المهم

عايز تفهم
طيب نفكر مع بعض بصوت عالي
من اكتر من سنة انتخبنا محمد مرسي سواء كنت مؤيد او معارض او عاصر لمون المهم ان هو بقى رئيس فعلا
خلال السنة كان الناس ف مصر  فريقين
فريق مؤيد
و اكيد فريق معارض
الناس استنت تشوف تحسن ملموس ف حياتها و دا محصلش دا غير الاختلاف السياسي مع مواقف مرسي سواء داخل او خارج مصر
طيب نعمل ايه
فجأة لقينا حملة تمرد ( و على فكرة انا واحدة من الناس اللي مضت استمارة تمرد)
المهم
الناس التفت حواليها و كبرت و انتشرت و طبعا اللي كان بيساعد ف دا كره الاخوان و الناس المستفيدة من رجوع النظام القديم
رايي الشخصي ( دلوقت بعد اللي بيحصل ) ان الجيش استغل دا للخلاص من الاخوان
يعني ساعد الشعب و ايده و سابه ينزل ف 30/6 عشان يوفر غطاء من الشرعية للي حيحصل ( اللي هو طبعا عزل مرسي )
طبعا الاخوان و على راسهم مرسي بغباءهم السياسي ساهموا ف نجاح الخطة
كان ممكن جدا مرسي يعمل استفتا على بقاؤه او حتى يغير لغة اخر خطابين
المهم ان اللي حصل ان مرسي اتعزل و طبعا دا بالنسبة للاخوان اللي كان حلمهم يوصلوا للسلطة صيبة و كارثة فبدأ الاعتصام ( لكن مش لازم ننكر ان فيه ناس ف الاعتصام و ناس معترضة اصحاب مبدأ )
ازاااااااااااااااااااااااااي
الناس دي شايفة ان طريقة عزل مرسي غلط
الناس دي مش بتتكلم عن مرسي او الاخوان تحديدا الناس دي اصحاب مبدأ ( و انا بحترمهم جدا على فكرة )
المهم
موضوع الاعتصام دا طول و بوخ و الاعلام ( اللي عايز الحرق ) ما شاء الله زود النار و عمل حالة كره عجيبة للاخوان و كل الناس المعترضة و بقت الناس مستنية الجيش ينزل يخلصهم من الناس دي
لحد امبارح و ابتدا فض الاعتصام و ابتدا معاه سيرك اعلامي من كل الجهات معرفش اخره ايه
سيرك متقدرش تحدد فيه الصادق من الكداب
سيرك خلاني بجد اتمنى انهم يقفلوا كل القنوات و يريحونوا
سيرك خلاني نفسي اقول لشوية البشر اللي ماسكين الميكروفونات حراااااااااااااااااااااااااااااااااااااااااااام
بس دا احساسي و رايي
اسفة ع الاطالة و لو فيه اي سؤال اوعدكوا اجاوب عليه الصبح ان شاء الله

رووووووووووووووعة
و متتأفيش ع الأطالة
لئن المطلوب هوا انك تدى رئيك بكل صراحة

و شرط انك تطولى مش تقولى كلمتين و خلاص

قولى كمان

ع

قتل البشر دول و ع الكنائس و ع المساجد اللى اتحرقت و كان سبهها الأخوان و لبسوها لشرطة

بعد كدا يقولك الجيش

كنت ناوية اتكلم ف جزئية تانية غير موضوع الحرق و التدمير دا بس ارد عليك الاول يا عمرو
فيه مقولة بتقول لا تصدق كل ما تسمع صدق فقط نصف ما ترى
و ف الوقت اللي احنا فيه دلوقت حاول تطبيقها على قد ما تقدر و يا ريت لو صدقت ربع ما ترى
مينفعش ننسب كل حرق و تدمير للاخوان لسه مفيش حقيقة مؤكدة ف اللي بيحصل
حاول تكون حيادي فعلا

طيب مين اللى بيعمل كدا ؟

نرجع بقى شوية لما بعد ثورة 25 يناير مباشرة
ف الوقت دا بدأنا نسمع اسامي لمرشحين كتير لرئاسة الجمهورية و طبعا كان لازم اختار حد منهم وسط كل الاسماء المرشحة لفت نظري 4 اسماء
اولهم خالد علي ( اللي للاسف مكنتش اعرفه ) و هو دا اللي لفت نظري انه حد مش معروف مع انه ليه دور في الدفاع عن العمال من ايام مبارك
التاني عمرو موسى و دا بسبب اني زمااااااااااااااان كنت معجبة جدا بمواقفه كوزير خرجية  و بعد كدا في اوائل توليه لامانة الجامعة العربية لكني استبعدته لانتمائه للنظام السابق و كمان بسبب السن
التالت المستشار هشام البسطويسي و دا بسبب موقفه من انتخابات 2005 و شجاعته ف اعلا موقفه من تزوير الانتخابات لكن كانت مشكلته معايا اني حسيته ضعيف مش بيحارب عشان مصر دا ساب مصر ف وقت حرج جدا و سافر لما جاله عقد عمل بره
تخيل رئيس جمهورية بعقد عمل ف الخارج
المهم
نيجي للرابع ( مسك الختام بالنسبة لي )
 *حمدين صباحي*
و هنا السؤال لييييييييييييييه بقى ؟
اشمعنا حمدين
ارجع بيكو شوية لسنة 2000 ف السنة دي كان فيه انتخابات مجلس شعب وقتها كنت طالبة ف الكلية و كان معايا زميلة من بلطيم ( بلد حمدين صباحي ) وقتها سمعت منها كلام زي الشعر عن حمدين كانت بتتكلم عنه كأنه المنقذ
وقتها برضه كان عندنا عضو مجلس شعب كل انجازاته انه بيدي فلوس للناس و بيساعدهم ماديا ( معرفش ايه علاقة دا بمجلس الشعب )
ما علينا
المهم اني افتكرت كلام صاحبتي و بدأت ادور ف تاريخ حمدين
و بصراحة كل اللي عرفته تاريخ مشرف
فكان طبيعي بالنسبة لي اني اؤيده  (و للعلم دي اول مرة البيت كله عندنا يتفق على مرشح واحد )
و جه يوم الانتخابات وروحنا كلنا انتخبنا حمدين و كنا على اعصابنا بنستنى نتيجة الثانوية العامة
و تاني يوم كان عندي امتحان ف طنطا صحيت م الفجرقدام النت بدور على اي اخبار او مؤشرات للفرز لاني كنت حتجنن و مش عارفة ازاكر روحت الامتحان و اول ما طلعت م اللجنة ابتديت اسال اي حد عن اي اخبار و ف الطريق كنت بتكلم مع زميلاتي حوالين الاحتمالات و فرص الفوز و بصراحة مكنتش متفاءلة طلعا فيه مرشح الاخوان اصحاب اكبر قاعدة جماهيرية و فيه شفيق مرشح الفلول زي ما كانوا بيسنوه و المدعوم و لو ف الخفاء من المجلس العسكري
و فعلا كنت صح
و خرج حمدين م السباق ماسوفا عليه
المشكلة مكنتش ف كدا و بس
المشكلة كانت ف ننا اتحطينا ف موقف صعب جدا
اختيارين احلاهم مر
و نكمل بعدين

Amr Elbrazely كتب:

طيب مين اللى بيعمل كدا ؟

اللي بيعمل كدا دا موضع كبيييييييييييير
حنوصله اكيد ف كلامنا

طيب ماشى
انا دلوقتى عايز اعرف مين اللى بيعمل كدا الأخوان ولا الجيش

ناا بقول يستحيل الجيش يعمل كدا
لئنة هوا اللى بيحمى البلد ازاى يخربها
و ان الشرطة هى اللى بتحمى المساجد و الكنايس

ازاى بقى هى اللى بتحرقها ؟؟؟؟؟

كلام كتير ياريت تفهمينا كل حاجة انتى عرفاها

طيب انا حسألك سؤال
هو مين اللي موت خالد سعيد
هي مظاهرات 25 يناير كانت ضد مين
مين اللي قتل المتظاهرين ايام الثورة
كل شئ جايز ف لعبة السياسة للاسف
و انا بتكلم عن القادة
مش ولادنا و اخواتنا اللي بيضحوا بحياتهم عشانا
فيه ناس ممكن تكون شايفة ان دا ف مصلحتنا او انها كدا بتحمي البلد
جايز
عشان كدا نسيب الايام تعرفنا الحقيقة كاملة بعد الامور ما تهدا

مش اتفقنا لا تصدق كل ما تسمع صدق فقط نصف ما ترى
و يا ريت لو ربعه

يعنى دا ما يتصدقش ازاى؟

يعني دي مجرد صور
لو شفت بعينك نتكلم
غير كدا لا

طيب بنسبة لى 25 جندى اللى قتلوهم

هما بردك اللى قتلو نفسهم