حد يعرف كل دووووووول؟؟؟؟

عجبتنى قوى

حد فاكر المطربة المغمورة اللى إنتحرت " أو إترمت " من شقة ملحن شهير من سنين طويلة .. أيوة سميرة مليان و بليغ حمدى .
طب حد فاكر المطربة اللى قتلها زوجها رجل الأعمال فى شقتهم فى الدقى من ييجى 10 سنين .. أيوة زكرى و أيمن السويدى .
حد فاكر المطربة المغمورة اللى قتلها رجل أعمال شهير فى الأمارات .. أيوة سوزان تميم و هشام طلعت .
طب حد فاكر لاعب الأهلى اللى توفى و هوة بيتمرن من كام سنة .. أيوة محمد عبد الوهاب .
طب حد فاكر المطرب المغمور اللى كسب أراب أيدول .. أيوة مش إسمة أحمد جمال .
حد فاكر اللاعب المغمور اللى رفع إيدة بإشارة رابعة أول .. أيوة أحمد عبد الظاهر .

برافو عليكم ..
طب حد فاكر إسم الضابط اللى إستشهد و هوة بينقذ فتاة من محاولة إغتصابها على كوبرى الدائرى من حوالى سنتين تلاتة .. جواب ..لأ طبعاً " إذا كنت أنا مش فاكرة "
طب حد فاكر إسم الضابط اللى إستشهد و هوة بيساعد فتاة كان اللصوص بيحاولوا يسرقوا شنطتها من شهرين إتنين .. ج .. برضة لأ و برضة أنا نفسى مش فاكر .
حد فاكر الضابط اللى إتقطع فى التحرير و هو بينقذ فتاة من التحرش .. لأ

يا صاحبى حيفتكروك لية ؟!
و هو أنت يعنى كنت عملت أية يفتكروك بية ؟!
لا بتعرف تغنى و لا صوتك حتى حلو ، و لا بتعرف ترقص جوة و لا برة الملعب .
طب يعنى عملت أية الناس تفتكرك بية ؟!

سهرت طول الليل مرمى فى كمين فى عز البرد و إلا وقفت على رجلك 8 ساعات فى الشمس ؟!
إتغربت بعيد عن أهلك من يوم ما إتخرجت و إلا يعنى إتفاجأت إن عمرك إتسرق و عيالك كبرت و أنت بعيد و ما لحقتش تفرح بيهم ؟!
بتنزل من بيتك تتلفت حواليك و ماشى فى كل حتة عينك فى وسط راسك أحسن يكون حد مترصدلك و مستنى تغفل علشان ياخدك غدر
بتقعد فى مكتبك و فى شغلك خايف على عيالك أحسن ولاد الحرام مخلوش لولاد الحلال حاجة ؟!
عايش طول عمرك حياتك فى خطر و أهلك قلقانين عليك ..
طب و مالة مش إنت بتاخد مرتبك علشان كدة ؟!
مش من يوم ما دخلت الكلية و إنت عارف كل دة ؟!
و بعدين أية اللى أنت عملتة حد يفتكرك بية ؟!
بتحمى أمن البلد ؟ .. عادى يعنى المركب ما بتقفش على حد و أحمد زى الحاج أحمد واحد راح بكرة نجيب مية زية .. إنت مش شايف الطوابير اللى بتقدم كل سنة فى شرطة و حربية .. مصر ولادة يا ريس .
طب بس إتكل أنت على الله و ما لكش دعوة
علم مصر و جنازة عسكرية و سمعنى سلام الشهيد و أحلى صور حتنزل لك على الفيس .. طب دة حتى البنات حتغير البروفايل بتاعها و تحط صورتك و إبسط يا عم بقيت نجم ، بس مؤقتاً كام يوم كدة لحد ما ييجى شهيد جديد و نشيل صورتك و نحط صورتة ، عاوز أية يعنى إنت حتنهب ؟!

ما تزعلش يا صاحبى ، و إلا تزعل لية مهو إنت أصلاً ما عدتش معانا !!
منقووووووووووووووووووووووووووووووول

موضوع اكثر من رائع

هههه عندك حق يا ماما جزاكي الله كل خير