ودخلنا مود الامتحانات !!!!!!!!!!!!!!!!!!!

لأنه بدأ العد التنازلى للإمتحانات التحريرية
ولأننا دخلنا فى الامتحانات العملى
وفى انتظار أسبوع الدمار
"المراقبة والتصحيح"
يعنى ببساطة
دخلنا مود الامتحانات
يُرجى من جميع مَنْ هو فى الدراسة فى أى مرحلة دراسية
الانتباه والتركيز فى المذاكرة
وأن يُقلل من الدخوول فى المنتدى
وكذلك يمتنع عن الفيس بوك " مع إنه إدمان ومش هيقدر يسيبه"
وأن يبتعد تماماً
عن أى لعبة سواء اسمها كونكر أو غيرها
سامعنى ياعمرو
وبالنسبة لى أكيد هيقل دخوولى للمنتدى
مع إنى مش قادرة على هذا البعد لكن
ماذا تفعل لو كنت مكانى؟؟؟؟"
هههههههههههههه"
على باقى الأعضاء والزملاء والأخوة الكرام
الذين ليس لديهم
"مود الامتحانات "
مراقبة المنتدى جيداً
وأن يضعوه فى عنيهم
" حلوة دى"
وفقنا الله سبحانه وتعالى لما يحب ويرضى

اكيد كلام صحيح جدا يا ماما
وانا نفذت ده فعلا
ربنا يوفقك ويوفقنا جميعا يااااااارب

كلامك صحيح ياماما
ان شاء الله نحاول ننفذ
كلنا

كلام صح جدا ماما سنا

ومن عنينا
تحت امرك

حاضر
هعمل كل اللى حضرتك قولتى عليه

من عنيا حابعد خالص انا كمان ماما سنا
وان شاء الله نكون على وصال
بعد الامتحانات باذن الله

ودخلنا مود الامتحانات !!!!!!!!!!!!!!!!!!! 24rv1gk8

ليه بس كدا ( اسبوع الدمار )

ما نقول ( اسبوع الحصاد )

ايه رايك ؟؟؟؟؟؟

وسام
تووووتى
ايمى
gogo
بودى
ربنا يحميكم
ويخليكم ويصلح حالكم
وبإذن الله بالتوفيق والنجاح والتفوق
عايزين دعوات أكتر من كدة؟؟
وكفاية إن ماما راضية عنكم

سمير محمد كتب:: ليه بس كدا ( اسبوع الدمار )

ما نقول ( اسبوع الحصاد )

ايه رايك ؟؟؟؟؟؟

أهلاً أ/ سمير
هو من جهة اسبوع الحصاد فهو فعلاً اسبوع الحصاد
لعام بأكمله
لكن للأسف مش هأقدر أغير اسمه بالنسبة لى " اسبوع الدمار"
دا ولا أسلحة الدمار الشامل!!!!

طبعا كفاية ان
ماما راضية عننا
ودعواتك بقى

أكيد ياماما هاسمع الكلام
وهاذاكر بس ليلة الامتحان

وبس ههههههههه
هو احنا فاضيين

أما انا بقى مش عندى امتحانات
و لكل من عندهم امتحانات بالتوفيق و النجاح
اما المنتدى متخافيش عليه فى عنيا كأنك دخلتيه بالظبط

دعائك يا ماما العملى بدأ

بالتوفيق لكل الطلبة والطالبات
والدارسين والدارسات
وربنا يكلل جهودكم بالنجاح

سنا مصر كتب:: وأن يُقلل من الدخوول فى المنتدى
وكذلك يمتنع عن الفيس بوك " مع إنه إدمان ومش هيقدر يسيبه"
وأن يبتعد تماماً
عن أى لعبة سواء اسمها كونكر أو غيرها
سامعنى ياعمرو

المنتدى ماشى حاضر مش هدخل

كونكر هنوصل لفل 119 و مش داخل غير بعد لامتحانات

اما الفيس بقى فا ده يستحيل دا انا ببقى قاعد فى الفصل و الفيس بتاعى مفتوح على التيلفون و قاعد بس ببقى عامل اوف لاين طبعاً

ههههههههه

ان شاء الله نحاول نركزو و مش هنلعبو كونكر

بقى كدة يا عمرو ماشى
!!!!!!!!!!!!!!!!!
يعنى هى جات على المنتدى

وأنت اللى صعبان عليا وأقول دا مجبس وبلاش أرهقه وكل شوية أسأل عليك وأبعت مراسيل عموماً تعدى الامتحانات على خير واطمن على نتيجتكم ونتعاتب براحتنا

ساداتى اانساتى

ودى كانت

نهاية اللماضه مع عمرو بيه
ههههههههههههههههههههه

والموجز بعد الفاصل

ايوة اسبوع إنما جامد قوى
ربنا يستر سيبدأ من السبت القادم بإذن الله
ومشكلة لو حصل وجات ساعة الولادة وأنا فى اللجنة
هتبقى فرصة للطلبة إنه كله يلتفت لى وهم يغشوا
وفرصة لى إنى ما أصححش
هههههههههههههه
ادعولى أقوم بالسلامة وبالنسبة لى هأدعيلكم جميعا بالنجاح والتوفيق

ربنا ينجح طلبة سنا مصر كلهم

قولو
اميييييييييييييييييييييييين

آمييييييييييييييييييييييييييييين
ومن فضلكم ليس نجاحاً فقط
إنما يارب نجاح بتفوق

انشاء الله ياماما
ربنا معاكى يا نوجا والله بادعيلك
اهو بس دعواتك انتى بقى أنتى
باين عليكى طيبة زى ماما سنا
ولا ايه ياماما ............

abdo mamdouh كتب:: ساداتى اانساتى

ودى كانت

نهاية اللماضه مع عمرو بيه
ههههههههههههههههههههه

والموجز بعد الفاصل

هههههههههه

ابتدت بى لماضة و انتهت بكسر فى الذراع و ابويا بيقولى لو فضلت على الشقاوه و اللماضة دى

كل يوم هنشوفك عند دكتور شكل

شكراً يا عبدو

سنا مصر كتب:: آمييييييييييييييييييييييييييييين
ومن فضلكم ليس نجاحاً فقط
إنما يارب نجاح بتفوق

اميييييييييين

بس حضرتك نسيتى اللماضة

اللماضة و بعد كده نفكرو فى النجاااااااااااااح ولا انتو شيفين اية يا شباب

شايفين انك تذاكر يا حلو وتنسى النت ده خالص و ما تروح تجيب جهازك من عند الراجل اصلا

اتفقنا

الحمد لله مضى اسبوع الدمار بالنسبة لى
عقبالكم جميعاً
أينعم انتهى بموقف أثر فى وجعلنى اتخذ قراراً هاماً
لكنه مضى والحمد لله على خير وكان أفضل من اسبوع دمار التيرم الأول

وعلى فكرة أيام الامتحانات مهما كانت سيئة أو حلوة
لكن لها ايجابيات
من أهمها
1-المواظبة على الصلاة من الجميع ولا حظت أيضاً انهم بيرتادوا الجوامع أتمنى الاستمرار على ذلك
2- كذلك بتلاقى الجو الاسرى جميل
ما فيش صراخ ولا غيره كله بيذاكر من نفسه
3- أهم شئ بتقرب ما بين الأم وابنها أو ابنتها وتلاقيهم آخر حلاوة
بالتوفيق والنجاح يارب للجميع

» محاضرة عن المذاكرة و الامتحانات
» للقضاء علي الخوف من الامتحانات
» كيف نحل مشكلة النسيان فى الامتحانات؟
» مرحبا بعودة أبنائنا بعد الامتحانات
» من أسئلة الامتحانات محمدحجاج 15قطعة نحو