من الأمثال والأقوال (3)

أمثال شعبية
J ابن الوز عوام .
J لبس البوصة تبقى عروسة.
J يموت الزمار وصوابعه بتلعب.
J اضرب المربوط يخاف السايب.
J شرط المرافقة الموافقة.
J لو صبر القاتل على المقتول كان انقتل لوحده.
J الكدب مالوش رجلين.
J إللي يتجوز أمي أقوله يا عمي.
J ادلعي يا عوجه في السنة السوده.
J الجعان يحلم بسوق العيش.
J اقول طور يقول احلبوه.
J ايه ياخد الريح من البلاط.
J اللي تكره وشه يحوجك الزمن لقفاه.
J من القلب للقلب رسول.
J إذا حبيت داري .. واذا كرهت واري.
J امشي في جنازة ولا تمشي في جوازه.
J يابخت من وفق راسين في الحلال.
J بوس ايد حماتك ولا تبوس ايد مراتك.
J السعد وعـد .
J كله قسمه ونصيب.
J اجري جري الوحوش غير رزقك ما تحوش.
J الاعتبار للمال مش للرجال.
J يدي الحلق للي بلا ودان.
J اللي ما يقدر عليه القدوم يقدر عليه المنشار.
J سكتنا له دخل بحماره.
J اللي يوطي راسه يتركب.
J لقمه هنيه تكفي ميه.
J البلد بلد أبونا والغرب بيطردونا.
J يوم عسل ويوم بصل.
J جنة من غير ما ناس تنداس.
J القفه أم ودنين يشيلوها اتنين.
J اطلب لجارك الخير .. أن ما نلت منه تكتفي شره.
J النواية تسند الزير.
J ساعة الحظ ما تتعوضش.
J المكتوب على الجبين لازم تشوفه العين.
J البخت عارف اصحابه.
J الدنيا زي الغازية .. ترقص لكل واحد شوية.
J دنيا فانيه.
J المتغطي بالأيام عريان.
J عداوة الأقارب زي لسع العقارب.
J عادي أمير ولا تعادي غفير.
J قيس كل حاجة لوحدها .. صوابعك مش زي بعضها.
J كتر النواح بيعلم البكا.
J نجوم السماء أقرب لك.
J الندب بالطار ولا قعاد الرجل في الدار.
J ياحامل هم الناس خليت همك لمين.
أمثال شعبية

هناك أمثال ساخرة ضاحكة حول الحظ العاثر والبخت المنحوس وحتمية هذا البخت وكأنه قدر ومكتوب مثل :

· المغلوب مغلوب وفي الآخر يضِّرب بالطوب.
· من يوم ما ولدوني في الهم حطوني.
· على ما يسعد المنحوس يكون عمره فرغ.
· يابخت مالك من دون البخوت لبخت قال إن ما كنت تسكت هاسقط شوة لتحت.
· بختي لقاني في الطريق يعرج قاللي ارجعي ياخايبة لارقد.
· قلت لبختي أنا رايحة اتفسح قاللي وانا مانيش مكسح.
· قلت لبختي أنا رايحة للجيران قال وأنا مانيش تعبان.
· قلت لبختي أنا رايحة لأهلي قال وأنا أمشي واحدة واحدة على مهلي.
· المنحوس منحوس ولو علقوا على راسه فانوس.
· البخت يتبع صاحبه.
· نحسها معها معها منين ماتمشي يمنعها.
· له في كل خرابة عفريت.
· أرميه في البحر يطل وفي بقه سمكة (عن الحظ الحسن).

وتطرقت الأمثال أيضاً إلى تعريف الحظوظ السيئة والحسنة وتناولتها بسخرية فقالت :
· يابخت من كان النقيب خاله (فالحظ حسن دائماً).
· من سوء بختي حبوني الكلاب.
· عيشك يحلى لي ياخالي قال ده من سوء بختي ياابن اختي.
· عيشك كويس ياخالتي قالت من سوء بختي يابنت اختي.
· بختك يا أبو بخيت.
· أنت وحظك.
· خبطتين في الراس توجع.
· الفقي لما يسعد تيجي له ختمتين في ليلة.
· جارية تخدم جارية دي داهية عالية.


وعن التفاوت في الحظوظ بين الناس تذكر الأمثال:
· ناس تاكل البلح وناس تتضرب بالشماريخ.
· ناس تاكل البلح وناس يترموا بالنوى.
· ناس ليهم العنب وناس ليهم الحصرم.
· شخوا عليّ كلكم ياللي الزمان خلاني لكم.
· من لقى بخته خرى تحته وجاب عدى البخت يمسح له.

وعن الحظ الحسن يقول المثل:
· جت له على الطبطاب.
· باضت له في القفص.

وعن الحظ السيئ:
· من حفرة لطوبة ياقلبي لا تحزن.
· تخلص من حفرة تقع في دحدورة.
· في حزنهم مدعية وفي فرحهم منسية.
· يافرحة ما تمت خدها الغراب وطار.
· جيت ادعي عليه لقيت الحيطة مايلة عليه.
· ياقلة بختي.

كما أن هناك أمثالا تشير إلى أن الحظ مقدر من عند الله ? سبحانه وتعالى ? ولا يد للإنسان في تغييره .. فيقول المثل:
· حد بيقول يارب اتعشى ?
· حد يبقى القلم في ايده ويكتب نفسه شقي؟
· هو حد بيميل بخته بإيده؟

وتوجد أمثال تعبر عن الإذعان للقسمة والنصيب والتي تتحكم في كل شئ:
· كل شئ قسمة ونصيب.
· الجواز قسمة ونصيب.
· اللقاء نصيب.
· أعزم وآكل العيش نصيب.
· اللي من نصيبك لازم يصيبك.
· كل واحد بياخد نصيبه.
· النصيب بيدور على صاحبه.
· {قل لن يصيبنا إلا ما كتب الله لنا} من القرآن الكريم.
· مش هايصيبك إلا نصيبك.
· اللي من نصيبك محرم على غيرك.
· محدش بياخد نصيب حد.
· ده للمقسومين مش للموعودين.
· ارضى بنصيبك تعيش.
وهناك بعض الأمثلة تعكس المعنى السابق حيث لكل مجتهد نصيب ولا يأتي النصيب اعتباطاً بل بناء على جهد وعمل:
· لكل مجتهد نصيب.
· من جد وجد ومن زرع حصد.
· إذا حضرتم القسمة فاقتسموا.
· الغايب مالوش نايب.

وكذلك فقد أرجعت الأمثال إلى أن العبرة دائماً في الحظ للنهاية فنجد:
· تبقى في بقك وتقسم لغيرك.
· تكون في ايدك وتقسم لغيرك.
· قالوا للبايرة جالك عريس .. قالت مش حصدق إلا لما أحضنه.
· ماليس نصيب فيه.
· ده مش نصيبي.
· قسمة ونصيب.
· قسموا القسايم خدت أنا كومي قالوا مسكين قلت من يومي.

ويقول إبراهيم أبو سنة في كتابه (فلسفة المثل) إن الاستخدام العربي قد جعل
كلمة البخت ظلاً قائماً على مصاب الناس التي يلحق بهم الفشل المتكرر في
حياتهم. ويؤكد أن البخت بتعبير أوضح وفي غالب اطلاقاته هو مجموعة الظروف
الفاشلة أما الحظ فهو المصادفة الخارجية.
أما الدكتور سيد عويس فيذكر في كتابه الازدواجية في التراث الديني المصري
أن إيمان المصريين بالبخت وبنمط التفكير الحسي غير العلمي غير مقصور على
الفلاحين والجهلاء بل ان بعض المثقفين والكتاب يتناول في الصحف اليومية
والأسبوعية أموراً عن السحر وقراءة الكف والفنجان والرمل والودع والمندل
وقراءة السحب والبرق وأوراق الشجر والعمل والنفخ في العقد والرؤيا الصادقة
واستحضار الأرواح وتجسيدها ويعلقون على ذلك بأنه ممكن ومعقول ولا يتنافى مع
العلم وأن العقل لا يستطيع أن يرفض ذلك لأنه محدود كما أن الدين يؤكد هذه
المعتقدات ويشير إلى نماذج كتابات أنيس منصور كمثال على صدق كلامه.
وتشير الأمثال إلى أن الإنسان مسيّر وليس مخيرا. وإيمانه بأنه نصيبه في
الدنيا محدود مسبقاً (جفت الأقلام ورفعت الصحف) فهي تأتي من منطلق فيما
يحدث:
· اللي ما يرضاش بالتوت يرضى بشرابه.
· اللي ما يرضى بحكم موسى يرضى بحكم فرعون.
· اللي عاجبه الكحل يتكحل واللي مش عاجبه يرحل.
· لو علمتم الغيب لرضيتم بالواقع (مثل عربي).
· اللي يبص لفوق يتعب أو توجعه رقبته.

كما يدعو المثل الشعبي إلى القناعة فيقول :
· الأعور وسط العميان ملك.
· نص العمى ولا العمى كله.
· الطشاش ولا العمى.
· شئ أهون من شئ .
· الحمد لله اللي جت على قد كده.
· ادى الله وادى حكمته.
· كـده رضـا.
· ما كل ما يتمنى المرء يدركه.
· القناعة كنز لا يفنى.
· القناعة مال وبضاعة.
· عصفور في اليد ولا عشرة على الشجرة.
· بيضة النهاردة أحسن من فرخة بكرة.
· اقع بالحاضر على ما ييجي الغايب.
· ارضى بما قسم الله لك تأتيك السعة.
· من رضى بقليله عاش.
· غنى النفس هو الغنى الكامل.
· عز من قنع وذل من طمع.
· أقله بركة.
· أقل موال ينزه صاحبه.
· اللي عنده عيش وبله عنده الفرح كله.
· إن حضر العيش يبقى المشي شبرقة.
· بخمسة قهوة تقضي الشهوة.
· بيضتها أحسن من ليلتها.
· قليل دائم خير من كثير منقطع.
· افتكاره رحمة (في ضرورة الرضا بالمرض).
· له في ذلك حكم.
· دي إرادة ربنا.
· ادى السما وادى الأرض.

كذلك في الصبر والرضا:
· يشم ضهر ايده يشبع.
· زي بلد أبو راضي المشنى مليانة والسرهاوي.
· السكوت علامة الرضا (يضرب غالباً في الزواج).
· زي أبو قردان صايم عن زاد الدنيا.
· رطل نحاس بيغني عن ناس.
· ما بعد الضيق إلا الفرج.

أما في غير الراضي وغير القانع بما قسمه الله فلهم نصيب أيضاً من الأمثال الشعبية:
· البطر عقبة وحسن.
· البطران عليه قطران.
· رفس النعمة برجله.
· الأكلانه تولد مية وتقول ياقلة الذرية.
· ما يعجبوش العجب ولا الصيام في رجب.
· لما اتفرقت العقول كل واحد عجبه عقله ولما اتفرقت الأرزاق محدش عجبه رزقه.

عواقب عدم الرضا والنظر لما في يد الغير:
· الحسي مسني وابات متهني ولا كبابك اللي قاتلني.
· لقمة جاري ما تشبعني وعارها متبعني.
· قطع الطشت الدهبي اللي أطرش فيه الدم.
· شعيرنا ولا قمح غيرنا.
· كتاتنا ولا حرير الناس.
· لقمة تحت الحيطة ولا خروف بعيطة.
· اللي ينشري ما ينشهي.
· اللي تشتريه الفلوس ما تشتهيه النفوس.

في استنكار الرضا:
· رضينا بالهم والهم مرضيش بينا.

وفي الصبر ترى الدكتورة نعمات فؤاد أن الصبر قدرة مصرية خاصة وهو عندنا
أيضاً نابع من الإيمان الذي له رصيد في قلب المصري وهذا نابع من إيمان بأن
{الله ولي الصابرين} ?{لئن صبرتم لهو خير لكم}.
· يا صبر ايوب.
· الصبر طيب .. بس اللي يرضى به.
· الصبر مفتاح الفرج.
· الصبر جميل.
· الصبر أحسن دوا.
· الصابرين بخير.
· الصابرين لهم الجنة.
· إن صبرتم أجرتم وأمر الله نافذ وإن ما صبرتم كفرتم وأمر الله نافذ.
· إن صبرتم نلتم وأمر الله نافذ وإن ما صبرتم قبرتم وأمر الله نافذ.
· ما ضاقت إلا لما فرجت.
· العوض على الله .
· إذا اشتد الكرب هان.
· اصبري ياستيت لما يخلي لك البيت.
· خليك في عشك لا ييجي حد يهشك.
· شدة وتزول.
· طولة البال تبلغ الآمال.
· المعيشة تحب طولة البال.
· طول البال تهد الجبال.
· من صبر نال ومن لح ملوش.
· اصبر تنول.
· صبر ونال.
· اللي ييجي في الريش بقشيش.
· الله جاب .. الله خد .. الله عليه العوض.
· فرجه قريب.
· اللي يصبر على المر لابد أن يدوق الشهد.
· وجع ساعة ولا كل ساعة.
· المؤمن دايماً منصاب.
· ياقلبي ياكتكت اسمع الكلام واسكت.
· كل شئ دواه الصبر لكن قلة الصبر مالهاش دوا.
· كل شئ في أوله صعب.
· كل عقدة ولها حلال.
· اتقل على الرز لما يستوي.
· مسيرها تيجي البر ولو ألواح (عن المركب).
· خللي أملك في ربنا كبير.
· تيجي على أهون سبب.. بس اصبر.

وفي التحمل .. يقول المثل :
· اللي يحب الدح ميقولش أح.
· مفيش حلاوة من غير نار.
· اللي يحب العسل يستحمل قرص النحل.
· اللي ينزل البحر يستحمل الموج.

وتوجد بعض الأمثال تنتقد الصبر وتدل على عدم القدرة على التحمل:
· الصبر مر.
· الصبر حرق الدكان.
· بعد الصبر القبر.
· ما ورا الصبر إلا القبر.
· فرج حرمه خرج (من الصبر والتحمل).
· فاض بي الكيل.
· الكيل طفح.
· اللي ايده في المية مش زي اللي ايده في النار.
· اللي ياكل الضرب مش زي اللي يعده.
· لو صبر القاتل على المقتول كان اتقتل لوحده.
· يا يموت العبد يا يعتقه سيده.
· صبري على نفسي ولا صبر الناس علي.
· الجايات أكثر من الرايحات.
· اصبر على جار السوء يا يرحل ياتجيله داهية.

ويقول الدكتور سيد عويس إن الصبر كقيمة اجتماعية قد يعني في بساطة (حبس
النفس عن الجزع) والصبر بهذا المعنى قيمة اجتماعية ايمانية فالحياة
الإنسانية لا تخلو من الجزع وهي كذلك لا تخلو من الطمأنينة ومع ذلك فإننا
نلاحظ أن مفهوم الصبر لا يعني حبس النفس عن الجزع دائماً فقد يكون صبراً
على الضيم وقد يكون صبراً على الإهانة وقد يكون إذعاناً إلى حد الذلة
والضعة وقد يكون صبراً على ضياع الحقوق.
وفي الأمثال التي تسخر من الشخص الذي يقحم نفسه في أشياء تؤدي إلى الأذى:
· اللي يكري ( طيزه ) ما يحسسش عليها.
· اللي يعمل ضهره قنطرة يستحمل الدوس.
· اللي يعمل خده مداس يستحمل الدوس.
· اصحاب الميت صبروا والمعزيين كفروا.




والمثل المصري يرى أن من لا يصبر كافر فالصبر هبة من الله:
· الصبر من عندك يارب.
· يارب ألهمنا الصبر.
· يارب صبرنـا.
· من شاف بلوة غيره هانت عليه بلوته.
· اللي يشوف بلاوي الناس تهون عليه بلوته.
· فات الكثير ما بقى إلا القليل.
· كل آت قريب.
· ربنا يقرب البعيد.
· كلها شهر وشهير والتاني قصير.
· كل شئ بأوان.
· آهي ليلة وتعدي.
· آهي ليلة فراقها صبح.
· كل شئ وله آخر.
· اللي له أول له آخر.

وبذلك .. فالمصري ميال إلى الصبر بطبيعته .. وترى ?. نعمات فؤاد أن المصري
تعلم الصبر من الزراعة التي علمته (الصبر الرحيم وسعة الصدر والسكينة
والمسالمة وطمأنينة الرضا وجلال التواضع).
سأصبر حتى يعجز الصبر عن صبري ..
واصبر حتى يأذن الله في أمر..
وأصبر حتى يعلم الصبر أني صبرت على شئ أمر من الصبر.


أمثال في الطيبة والعفوية
· من القلب للقلب رسول.
· إن كان حبيبك في خير افرح له.
· اللي يحب حد يكثر من ذكره.
· اللي يحب ما يكرهش.
· داخل بيت عدوك ليه ? قال : حبيبي فيه.
· إن كان لك حبيب وبدك تتقيه لا تاخد منه ولا تديه.
· لاجل الورد ينسقي العليق.
· من حبنا حبناه وصار متاعنا متاعه .. ومن كرهنا كرهناه يحرم علينا اجتماعه.

وعن المشاعر والحنان :
· الدم يحن.
· الدم ما يبقاش مية.
· عمر الدم ما يبقى مية.
· إذا كانت الداية أحسن من الوالدة كانت تبقى خيبة زايدة.

ويسخر المثل الشعبي من الحنان غير المصحوب بالعطاء .. فيقول:
· ترى حنية لوز حنية من غير بز.
· ادي ابنك للي له أولاد.

وفي العشرة :
· من عاشر القوم 40 يوم صار منهم.
· من عاشر الحداد ينكوي بناره.
· العشرة ما تهونش إلا على ابن الحرام.
· اللي يعاشر الطبيب يموت سقيم.
· اللي يعاشر التعابين لازم يشتغل حاوي.
· تعرف فلان ? أعرفه .. عاشرته ? لا .. تبقى متعرفوش.
· لا تذم ولا تشكر إلا بعد سنة وست اشهر.
· عاشر عاشر مسيرك تفارق.
· جنة من غير ناس ما تنداس.
· معرفة الناس كنوز.

أما عن المعرفة التي تجلب المتاعب .. فيقول المثل:
· البعد عن الناس غنيمة.
· الاقتصار عبادة.
· الوحدة ولا رفيق المتاعب.
· الوحدة خير من جليس السوء.

وكما أن للمحبة والعشرة أمثالها الشعبية فإنه أيضاً للكراهية والعداوة أمثالها:
· أنا واخويا على ابن عمي .. وأنا وابن عمي على الغريب.
· ابن عمك عدوك وعدو اللي يعاديك.
· صديق عدوي عدوي .. وعدو عدوي صديقي.
· عين العدو تبان ولها **ان.
· العين متكرهش إلا اللي أحسن منها.
· عادي أمير ولا تعادي غفير.
· عدو قريب ولا حبيب بعيد.
· نهار العدو ما يصفى يخفى.
· عدو عاقل خير من صديق جاهل.
· عدوك عدو دينك.
· اللي تكره وشه يحوجك الزمان لقفاه.
· اللي تكرهه النهاردة تعوزه بكره.

وعن تجنب العداء وعدم المبالغة في العداوة يقول المثل:
· صباح الخير يا كنيسة واللي في القلب في القلب (بمعنى كره وليس عداوة).
· اقطع لسان عدوك بسلام عليكم.
· امشي دوغري يحتار عدوك فيك.
· حبيبك يمضغ لك الزلط .. وعدوك يتمنى لك الغلط.
· من "شخ" عليك "شُخ" عليه . وآهي كلها نجاسة.
· فوت على عدوك مكسي ولا تفوت عليه محشي.
· امشي على عدوك جعان ولا تمشيش عريان.
· فوت على عدوك معرش ولا تمشيش مكرش.
· كبر الجرن ولا شماتة الأعادي.
· كل عيش حبيبك تسره وكل عيش عدوك تضره.
· ضمة القبور ولا ضمة عدو.

والمصري يخشى من يعاديه .. ولا يأمن له .. ويعبر المثل عن ذلك قائلاً:
· عدو زمان مالوش أمان.
· عمر العدو ما يبقى حبيب .. وعمر الحمار ما يبقى طبيب.

وفي الإصلاح :
· مكتوب على ورق الحلاوة .. ما محبة إلا بعد عداوة.
· بينهما ما صنع الحداد.
· إنت من سكة وهو من سكة.
· قاعد له على السقطة واللقطة.

ومع ذلك توجد أمثال داعية للمصالحة بين المتخاصمين.. ويمثل إلى السِلم والتسامح:
· الصلح خير.
· السلام لله.
· المسامح كريم.
· اللي يدق يتعب.
· أهل السماح ملاح.
· المصارين في البطن بتتعارك.
· اللي انكسر يتصلح.
· الغلط مرفوع والزعل ممنوع.
· هي الشتمة بتلزق.
· عفا الله عما سلف ( آية قرآنية)
· مسير المية ترجع لمجاريها.
· اللي فات مات.
· احنا ولاد النهارده.
· ما شتمك إلا اللي بلغك.
· من جه بيتك جاب الحق عليه.
· العند يورث الكفر.
· الغلط مردود.
· من قر بذنبه غفر له ربه.

وفي السعي للصلح:
· ما ينوب المخلص إلا تقطيع هدومه.
· يا داخل بين البصلة وقشرتها .. ما ينوبك إلا صنتها.
· قاضي العيال اشتكى روحه.
· امسحها في دقني أو امسحها في.
· يخانقني في زفة ويصالحني في عطفة.
· شيل ابوك عن اخوك.
· شيل ده من ده .. يرتاح ده عن ده.
· مخلوش للصلح مطرح.
· حد الله ما بيني وبينك.

وفي الدعوة إلى الأخلاق وعدم التطاول على الآخرين:
· لسانك حصانك إن صنته صانك وإن هنته هانك.
· طاعة اللسان ندامة.
· سلامة الإنسان في حلاوة اللسان.
· لولاك يالساني ما انسكيت يا قفايا.
· الملافظ سعد.
· اقعد عوج واتكلم عدل.
· الادب فضلوه عن العلم.
· اقصر الشر.
· اتق شر غضبة الحليم.
· يا رايح كتر من الملايح.
· خير الأمور الوسط.
· المخزوق يشم السلطان.
· إذا يأس الإنسان طال اللسان.


وبعض الأمثال تعطي العذر لمن يضطر لإساءة الأدب:
· العصا لمن عصى.
· اخليه يمشي على العجين مايلخبطوش.

وعـن الأصـدقاء :
· طول ما انت طيب تكتر أصحابك.
· صديقك من صدقك.
· الصديق وقت الضيق.
· عند الشدة والضيق يبان العدو من الصديق.
· إذا لم تكن لي والزمان شرم برم فلا خير فيه والزمان ترللي.
· صاحبك من بختك.
· البيض الفاسد يتدحرج على بعض.
· الطيور على اشكالها تقع.
· قل لي من صاحبك اقل لك من انت.
· اللي ترافقه وافقه.
· التعبان من رفيقه يوسع.
· صديق صح خير من أخ.
· رب أخ لم تلده أمك.
· صاحبك وجارك ادرى بمالك.
· اختار الصديق قبل الطريق.

وفي التحذير من الأصدقاء تقول الأمثال:
· ما يغصك غير صاحب (وذلك لأنه أدرى بأسرارك).
· حاسب من صاحبك ولا تخونه.
· الصاحب اللي يخسر هو العدو المبين.
· من لقى أحبابه نسي أصحابه.

وكما توجد أمثلة عن الأصدقاء والأحباب فهناك أمثلة عن الجيران:
· اختار الجار قبل الدار.
· النبي وصى على سابع جار.
· إن كان جارك في خير افرح له.
· إن كان لجاري ما يهمني لي.
· اطلب لجارك الخير ?· إن ما نلت منه تكفي شره.
· الجار أولى بالشفعة.
· الجار جار وإن جار.
· جارك قدامك ووراك.إن ما شاف وشك يشوف قفاك.
· قبل ما أقول يا أهلي يكونوا جيراني غاتوني.
· ربك وجارك أعلم بحالك.
· لولا جارتي لانفقعت مرارتي.
· من جاور السعيد يسعد.
· غير من جارك ولا تحسده.
· يا جار الدهر احزن لي شهر.
· الجار للجار ستر وغطا.

وعن الجار السيئ يقول المثل:
· صباح الخير ياجاري .. إنت في حالك وأنا في حالي.
· اصبر على جار السو يا تجيله داهية يايرحل.
· من جاور الحداد ينكوي بناره.
· إن غسلتي توبك انقيه وان خاصمت جارك ابقيه.
· خلصت حاجتي من غير جارتي.
· إن جار عليك جارك حول باب دارك.
· إن كرهك جارك غير باب دارك.
· إن كان جارك بلا بلاء حك به جسمك.
· اياك اعني واسمعي ياجاره.
· الكلام لك يا جاره وانت حماره.

وتوجد بعض الأمثال تحرص على مقابلة العدوان بالعدوان من الجيران فتقول:
· الأبيحة ست جيرانها.
· خلص تارك من جارك.
· ما بعد حرمة الزرع جيره.

وعن التحذير من الجيران:
· البلاوي تتساقط من الجيران.
· جارنا السو ما ارضاه اللي معانا كله واللي معاه خباه.
· دقوا في اوانهم وسمعوا جيرانهم.
· انا رحت الغيط حرست جاري سرق البرسيم وخد حماري.
· الحسد عند الجيران والبغض عن القرايب.
· الجار السو يحسب الداخل ما يحسب الخارج.
· لليهود والنصارى ولاولاد الحارة (تقولها المرأة التي تخاف من كلام الجيران).
· الشاطرة تقضي حاجتها والخايبة تنده جارتها.
· الشاطرة تعمل حاجتها والخايبة قاعدة تحدتها.
· الله لا يجعل لنا جار وله عينين.


في احترام فارق السن:
· الكبر هيبة.
· دول الخير والبركة.
· الدهن في العتاقي.
· أكبر منك بيوم يعرف عنك بسنة.
· اللي ما يسمع كلام والديه يالطمة على خديه.
· أنت ومالك لأبيك.
· الشجرة اللي متضللش على أهلها تستحق قطعها.
· الولد ولد ولو كان شيخ البلد.

وعن احترام الحاكم :
· أنا اول من أطاع وآخر من عصى.
· حد يقول للغولة عينك حمرا؟ (ايا كانت قوة الحاكم).
· الملك من هيبته بيتشتم في غيبته.
· آه يا بلد من غير عمدة (الحاجة دائماً للسلطة).
· اللي مالوش كبير يشتري له كبير.

وهناك أمثال تسخر من السلطة سراً:
· جبناكِ ياحكومة تحمينا .. حميتي النار وكوتينا!

إلا أن هناك أمثالاً ترفض السخرية في الخفاء فتقول:
· في الوش مراية وفي القفا سلاية.
· أبو وشين يلعب على الحبلين.
· بوس الأيادي ضحك على الدقون.
· ده كله مسح جوخ.
· لما تقع البقرة تكتر سكاكينها.
· ضلالي وعامل إمام .. والله حرام.
· يؤدي الغرض وينقب الأرض.
· زي المش كل ساعة بوش.
· تحت البراقع سم ناقع.
· زي القط يسبح ويسرق.


إلا أن هناك أمثالاً تدعو إلى المحاباة وإحناء الرأس للريح.. فتقول:
· إن كان لك عند الكلب حاجة قول له ياسيدي.
· اتمسكن لحد ما تتمكن.
· الايد إلى متقدرش تقطعها بوسها.
· إن لقيت بلد بتعبد عجل .. حِش واديله.
· ارقص للقرد في دولته.
· العب مع القرد لما توفي أيامه.
· من طأطأ لها فاتت.
· علشان ما تعلي لازم نطاطي.
· طاط رأسك ما بين الروس وإلا الماشي عليك يدوس.
· كلمة باطل تجبر الخاطر.
· إن قابلك السفيه داريه بما فيه .. وهات كحكة بسكر وهاديه.
· اتوصوا علينا ياللي حكمتوا جديد .. احنا عبيدكم وانتم علينا سيد.
· معاهم معاهم .. عليهم عليهم.
· لاجل الضرورة اروح للندل البيت .. واقول له العفو ياسيدي.. واشيل مداسه وامسح تراب رجليه.

ويتضح لنا أن الأمثال الشعبية القابلة للنفاق أكبر بنسبة 15 : 10 من الرافضة له.

وفي الاضطـرار :
· المضطر يركب الصعب.
· قال : ايه رماك على المر ? قال : اللي أمر منه.
· الضرورة لها أحكام.
· الضرورات تبيح المحظورات (قاعدة فقهية).
· الجوع كافر.
· ما باليد حيلة.
· الغريق بيتعلق بقشاية.
· علشان بطنه حلقوا دقنه (رضى بالإهانة).
· ادي السما وادي الارض.
· اللوح قال للمسمار : انت قلقتني . قال المسمار: لو كنت تعرف الدق اللي على راسي كنت عذرتني.
· قال : ياللي ابوك مات من الجوع . قال : هو كان لقى أكل ولا اكلش.
· ماله الدستي بيغلي ? قال : من كتر ناره.
· يرضى ورجله فوق رقبته.

وحول من يتحايلون على اضطرارهم بالصلاة والصوم:
كشكل من أشكال النفاق تقول الأمثال:
· زي المراكبية ما يفتكروش ربنا إلا وقت الغرق.
· ما يعرفش ربنا إلا وقت زنقة.
· من صلى وصام لأمر كان فإذا قضى الأمر لا صلى ولا صام.



وفيمن يريد الانفجار في الوضع الراهن لكنه لا يستطيع :
· حاجة تخللي الأخرس ينطق.
· طفح الكيل.
· بلغ السيل ال**د.
· كتر الحزن يعلم البكا.
· هم يضحك وهم يبكي.
· اشكي لي وأنا أبكي لك.
· الأيام الزفت فايدتها نوم.
· انسى الهم ينساك.
· بعد الكتير وبعد ما كنا صار القليل يجبر خواطرنا.

وتوجد الكثير من الأمثال تشير إلى رضا المصريين بالمقسوم وعدم الثورة على الواقع والإذعان له:
· ياجملة الهم ياعم.
· يدق الهم ويتخله.
· قاعد يقلب ويعاير.
· هم ما يتلم.
· اللي فينا مكفينا.
· شر البلية ما يضحك.
· هم يضحك وهم يبكي.
· ضيع الهم ب**يبة.
· إن كترت عليك الهموم .. ارقد نوم.
· اترك الهم ينساك .. تلقى سعدك وتنسى اساك.
· اشكي لمين وكل الناس مجاريح.
· الهم في الدنيا كتير بس مفرق.
· الضحك على الشفاتير والقلب يصبغ مناديل.
· الوش مزين والقلب حزين.
· متعيطوش على فخاركم ده له زي أعماركم.
· وقوع البلا ولا انتظاره.
· قضيت العمر في قهر قال هو العمر فيه كام شهر (دعوة للفرح).
· ماشيلتك يادمعتي إلا لشدتي.
· وتصور الأمثال أن الهم والحزن له أصحابه الذي يسعى إليهم والذين يسعون إليه فيقول:
· جت الحزينة تفرح ما لقيتلهاش مطرح.
· قلوب عليها دروب وقلوب من الهم تدوب.
· من يوم ما ولدوني .. في الهم حطوني.
· مشفتش يوم أحكي عليه.
· رضينا بالهم والهم مرضيش بينا.
· يافرحة ما تمت خدها الغراب وطار.
· نص الفطرة خروب.
· كل هم في البلد .. بييجي عندي ويتسند.
· بيدور على النكد بمنكاش.
أمثال شعبية
ولم يسلم الفقر والفقراء من الأمثال الشعبية الساخرة وتقول الأمثال في الفقر والضيم:
الفقير ريحته وحشة.
لو كان الاسم بيتشري كان الفلاح سمى ابنه خره.
طول ما أنا على الحصيرة لا شايف طويلة ولا قصيرة.
إذا دخل الفقر من الباب خرج الحب من الشباك.
اللي ما يكون سعده من جدوده يالطمه على خدوده (أي أن الغنى يأتي بالإرث).
طلب الغنى شقفة .. كسر الفقير زيره .. جته داهية ما أقل تدبيره.
علشان كبابك أكب انا عدسي.
إذا شفت الفقير بيجري اعرف أنه بيقضي حاجته للغني.
العايز أهبل.
دلع الفقاري يفقع المرارة.
الغنى شكته شوكة بقت البلد في دوكة.. والفقير قرصه تعبان قالوا اسكتوا بلا كلام.
الغنى غنوا له والفقير منين تروحوا له.
غني مات جروا الحبر (العباية) .. فقير مات مافيش خبر.
الفقير لا يتهادى ولا يرادى ولا تقوم له في الشارع شهادة.
الكرشة عند المقلين زفر.
الكسسسبرة عند الفقراء حلاوة.
إن عاشوا أكلوا الديدان .. وإن ماتوا ما يلاقوا أكفان.
حلم القطط كله فيران (يقال عن المحرومين).
اخذوا من فقرهم حطوا على غناهم.
انضف من الصيني بعد غسيله.
قالوا ياجحا عد غنماتك . قال : واحدة قايمة وواحدة نايمة.
الجعان يحلم بسوق العيش.
سألوا الجعان واحد × واحد بكام ? قال : برغيف عيش.
محدش بيموت من الجوع.
محدش بيبات جعان.
ابن مين اللي محمول ? ابن اللي عندها مأكول. وابن مين اللي ماشي؟ ابن اللي معندهاشي.
غني أكل حية قالوا من حكمته .. وإذا أكلها الفقير قالوا من حموريته.
الفقير قال : الفار كل الورق . قالوا : كداب ده كلام. الغني قال: الفار كل الذهب قالوا تمام أهو ده الكلام!
يتعلم الحجامة في روس اليتامى.
متعلمش اليتيم بكى.
الكحكة في ايد اليتيم عجبة.

وفي تعريف الفقر يقول المثل:
سيدي ما أخفه لا في أيده ولا في طرفه.
العريان في القافلة مرتاح.
فقر بلا دين هو الغنى الكامل.
الفقر حشمة والعز بهدلة.
الفقر مش عيب ما عيب إلا العيب.
فقر المرء في وطنه غربة.
غنى المرء في الغربة وطن.
الغنى غنى النفس.
الله الغني ( تقال في الاستغناء).
إن مال عليك الزمان ميل على دراعك.
لو كان الفقر رجلاً لقتلته.

كما أن المصري يدعو الله دائماً أن يعطيه ويغنيه فيقول:
العين بصيرة والايد قصيرة.
حيلة العاجز دموعه.
العاجز في التدبير يميل على المقادير.
يعني اضرب الارض تطلع بطيخ.
تقول تور يقولوا احلبوه (كناية عن الاستمالة).
عشم ابليس في الجنة.
هو أنا مكفن وضامن جنة.
قالوا للجمل زمر قال ياريت لا صوابعي مبرومة ولا شفايفي مضمومة (يقولها الفقير عن عدم الاستطاعة).


ويسخر المثل المصري من العذر والعوز فيقول :
ما كانش اتعذر ولا باع جزر.
ما كانش ينعز.
قال إيش غرض الأعمى قال قفة عيون.
الحوجة مرة.
المحتاجة غناجة.
ايش ياخد الريح من البلاط.
كلمة بكرة زرعوها مطلعتش (عن تسويف المدين).
شدة وتزول (عن الضيق).
الشكوى لأهل بصيرة عيب.
على لساني ولا تنساني (في السؤال والضيافة أيضاً ).
شحات يكره شحات .. وصاحب البيت يكره الاثنين.
شحات يشمت من شحات تطلع له فيه حسنة.
التاجر لما يفلس يدور في دفاتره القديمة.


في الطيبة :
الطيب أحسن.
اعمل خير وارميه البحر.
اصنع المعروف في اهله وغير أهله.
الساعي في الخير كفاعله.
الباني طالع والفاحت نازل.
الحلم سيد الأخلاق.
سلامة الإنسان في حلاوة اللسان.
ان عملت خير ما تشاور.
خير البر عاجله.
الخير بخير والشر بغير.
زيادة الخير خيرين.
سلامة في خير .. وخير في سلامة.
ما بين الخيرين حساب.
اللي عند الله ما يضعش.
اللي تزرعه تقلعه أو تضمه.
كل واحد بياخد على قد نيته.
إنما الأعمال بالنيات.
ربك رب قلوب.
بير تشرب منه ما ترميش فيه حجر.
اخلص النية ونام في البرية.
حكمت فعلت .. فنمت آمناً يا عمر.

وتوجد أمثال تحذر ممن نحسن إليهم وتؤكد على فعل الخير فيمن يستحقون فقط:
اتق شر من أحسنت إليه.
اطعم مطعوم ولا تطعم محروم.
ان انت أكرمت الكريم ملكته وإن أكرمت اللئيم تمرد.
خير ما علمنا والشر جانا منين؟
خيراً تعمل شراً تلقى.

وفي الشــر :
ابعد عن الشر وغنيله.
ان كان بينك وبين الشر جسر اقطعه قبل ما يعديلك .
الجاري في الشر ندمان.
طباخ السم لابد يدوقه.
يافاحت البير ومغطيه لابد من وقوعك فيه.
من حفر حفرة لأخيه وقع فيها.
من شاف الشر ودخل عليه يستاهل ما يجرى عليه.
اللي يحفر تحافير بتيجي على دماغه.
شرارة تحرق الحارة.
طوبة على طوبة تخلي العركة منصوبة.
كل واحد له شيطان.
اللي ما فيه الخير تركه خير.
تضرب القطة تخربشك.
دارت الدورة عليك يا عورة.
وقع في شر أعماله.
الشر ان بات فات.
قالوا للغراب ليه بتسرق الصابون ? قال: الأذية طبعي.
مات قتيل وساب قتيل.
ابوك ما هو ابوك واخوك ما هو اخوك.
صباح الخير ياعورة قالت له شر بايت.
قال : صباح الخير يا عورة .. ده باب شر.
فض ابليس لقلع الديس (النبات).
لا منه ولا كفاية شره.
ما اسخم من ستي إلا سيدي.
قال : اديني تقاوي البلاوي قال : كلمتين فارغين.
الباب اللي يجيلك منه الريح سده واستريح.
باب مردود شر مطرود.
شنق ولا خنق .. قال : كله في الرقبة.
حطوا العقدة في المنشار.
يوقف المراكب السايرة.
زي عفاريت القيالة ما يتهدوش.
ولاد الحرام كتير.
خربها وقعد على تلها.
يحجج الجمل والبردعة ويروح بذنب وييجي بأربعة (لا يتوب عن الشر).
ابليس ما يخربش بيته.

إلا أن المصري لديه الأمثال التي يستعيذ بها من الشر وفاعليه.. فيقول:
حوالينا ولا علينا.
فالكوا في داركوا.
يادار ما دخلك شر.
ياقاعدين يكفيكوا شر الجايين.

وهناك أمثال تدل على أن الأمثال لا تقتصر فقط على محاربة الشر.. بل أيضاً
جميع القبائح الأخرى مثل : الندالة ? والفتن ? والنميمة ? والعار ? والزنا:
زي الفجر يقبح ويصبح.
يارايح كتر من القبايح.
العيب لو طلع من أهل العيب مايبقاش عيب.
كل إناء ينضح بما فيه.
لا إحسان ولا حلاوة لسان.
لا ود ولا حديث بلد.
ياكل ويشرب ووقت الحاجة يهرب.
الندالة لها ناس.
عند الضيق لا أخ ولا صديق.
عويل شتم اصيل نهار نادي ( إذا أتتك مذمتي من ناقص فهي الدليل على أني كامل).
ضربني وبكى وسبقني واشتكى.
الاسم لطوبة والفعل لأمشير.
إن عضني الكلب ماليش ناب أعضه.. وإن سبني الندل ما ليش لسان أسبه.
الفتنة نائمة .. لعن الله من أيقظها.
الفتنة أشد من القتل.
زي ما يقولك يقول عليك.
العار أطول من العمر.
الزاني ما يأمن على مراته.
الجيب ينتخي والندل لا.
تفوا على وش الرزيل قال ده مطره.
قال يابويا علمني الرزالة قال يابني اللي تقوله عيده.
قال يابويا علمني الرزالة قال تعالى في الهايفة واتصدر.
روحي يا ساحرة لا نايبك دنيا ولا آخرة.
البحر ما ينفد فيه السحر.
أول الرقص حنجلة.
زي حداد الكفار .. حياته وموته في نار.
زي اليهود .. وشه نضيف .. وجبه زي الكنيف.
زي ترب اليهود بياض على قلة.
زي فقر اليهود لا دنيا ولا آخرة.
دموع الفواحر حوافر.
اقل بصلة تنزل الدمعة.
ايش افتكر لك يا بصلة مع كل عضة دمعة.
الحداية الشكاية النعاقة البكاية الرغاية النماقة العيابة الفتامة قطع لسانها من اللغلوغ.

وفي نبذ الكذب:
الكدب خيبة.
بيت النتاش ما يعلاش.
كلام الليل مدهون ب**دة .. يطلع عليه النار يسيح.
الحداية ما بتحدفش كتاكيت.
" علوق " 'منول عملوا غفرة السنة.
تحلف لي أصدقك .. أشوف أمورك استعجب.
على وشك يبان .. يا نداغ اللبان.
قالوا للحرامي احلف قال : جالك الفرج.
حلقوا القاتل قال : جالك الفرج يا قليط.
قالوا لحرامي الدقيق احلق قال يامري انخلي.
الراجل يتربط من لسانه والبهيم من ودانه.
البهيم من دونه وبنى آدم من لسانه.
المية تكدب الغطاس.
خليك ورا الكداب لحد الباب.
قالوا الجمل طلع النخلة ادى الجمل وادى الجمَّال.
ايش عرفك أنها كدبة قال كبرها.
البطيخة القرعة لبها كثير.
اللي على البر عوام.
الكدب مالوش رجلين.
كدب مساري ولا صدق مبعزق.
قاعد على نخ وعمال يبخ.
فين عزمك يافشار ادي السيف وادي صاحب النار.
لولا شالوني من تحته كنت قتلته.
صاحب بالين كداب وصاحب تلاتة منافق.
إن قالك الحرامي على الباب .. نام وطرطر رجليك (لأنه كذاب).
عشمتني بالحلق خرمت أنا وداني .. لا جبت انت الحلق وخسرت أنا وداني.
حبر على ورق ( وعد كاذب).
وعد الحر دّين عليه.
إذا كنت كذوباً فكن ذكوراً.
إن كنت كداب افتكر.
اللي يكدب بنهار الوقفة يسود وشه نهار العيد.
ما ينوب الكداب إلا سواد وشه.
زي قايـة اليهود تلـتـيـنـه كدب.
أكذب من مسيلمة.
أفلح إن صدق.
عينك ما تغشك.
شفت بعيني ماحدش قاللي .
ربك وصاحبك لا تكدب.

وبذلك يتضح أن المصري يختصر الكذب والنتش بالحجج .. ويضع أيضاً اسلوبا لكشف الكذب.

وفي الخبث :
يقتل القتيل ويمشي في جنازته.
ضربني وبكى وسبقنى واشتكى.
يخانقني في زفة ويصالحني في عطفة.
اللي تحسبه موسى يطلع فرعون.
زي العقربة يقرص ويلبد.
يعرف الكفت فين.
بيلعب بالبيضة والحجر.
يوديك البحر ويرجعك عطشان.
يعرف من أين تؤكل الكتف.
من دقنه واقتل له حبل.
تحت الدفة قرود ولتفة (شامي).
ياما تحت الساهي دواهي.
ياما في الجراب يا حاوي.
فم يسبح ويد تدبح.
مية من تحت تبن.
يدّي باليمن وياخد بالشمال.
راح يخطبها له اتجوزها.
زي ولاد بلبيس يبيعوا العيش ويشحتوه.
يلهي الوز بالغرق.
يلهي الكلب بعضمة.
الفار وقع من السقف القط قاله اسم الله عليك.

وفي المكر أيضاً :
كل قصير مكير وكل طويل هابيل.
احذروا كل من اقترب من الأرض.
قبطي بلا مكر شجرة بلا طرح.

وفي مواجهة المكر :
مبروم على مبروم مايفتلش.
بهلوان على بهلوان مايلعبش.
اتغدى بيه قبل ما يتعشى بيك.
تبيع المية في حارة السقايين.
ستي لئيمة وأنا ألئم منها تعد اللحمة وأنا اقطع منها.


وفي الخجل والتستر:
إذا بليتم فاستتروا.
ربنا أمر بالستر.
إن الله حليم ستار.
اللي ما يستحي يفعل ما يشتهي.
اللي يستره ربه ما يفضحوش مخلوق.
خالّي الطابق مستور.
الستار موجود.
داري ياسترة عاري.
يا أرض انشقي وابلعيني.
قول يا حيطة داريني.
عيني منكم في الأرض.
يارب استرها دنيا واخرة.


أما عن توصيف الخجل والستر ومن يخجلون .. فيقول فيهم المثل المصري:
اطعم الفم تستحي العين.
بقيت في نص هدومي.
اسوَّد وشه ( من الخجل ).
قلعت برقع الحيا.
ماله رايح وعرضه فايح (غير مستور).
ناس تخاف ما تختشيش.

وتوجد أمثال تدعو للجرأة وعدم الاستحياء .. ومنها:
اللي ينكسف من بنت عمه ما يجبش منها عيال.
اللي اختشوا ماتوا.
المكسوفة تغطي وشها بمنخل.
اللي بيزمر مايخبيش دقنه.
البلد اللي محدش يعرفك فيها .. شلح واجري فيها.


والمصري بطبعه خجول ? ويخجل أن تمتد لـه يـد فيردها خالية.. ويلجأ إلى الأعذار والحجج حتى لا يواجه بالرفض.. فيقول المثل:
بركة ياجامع اللي جت منك ولا جتش مني.
اللي مش عايزه تسلف جارتها الحبل .. تقول ناشرة عليه الدقيق.
عذر أقبح من ذنب.
ايش حايشك عن الرقص ? قال : قصر الأكمام.
من قلة مفيش.
احتاجوا اليهودي قال اليوم عيدي.

والمصري أيضاً طيب ومسالم .. والعديد من الأمثال تدل على ذلك.. فنجـد:
امشي سنة ولا تخطي قنا.
امشي يوم ولا تطلع كوم.
من خاف سلم.
العمر مش بعزقة.
لا تلقي بنفسك إلى التهلكة.
اللي يتلسع من الشوربة ينفخ في ال**ادي.
اللي تلدعه الحية من ديلها يخاف.
الاحتياط واجب.
اللي ما يخاف من الله خاف منه.
الباب المقفول يرد القضا المستعجل.
الباب اللي يجيلك منه الريح سده واستريح.
جحا طلع النخلة خد بلغته معاه.
مش كل مرة تسلم الجرة.
لا يلدغ المؤمن من جحر مرتين.
دخووول الحمام مش زي خروجه.
اربط الحمار مطرح ما يقول صاحبه.
قبل ما تفصل قيس.
حرص ولا تخون.
حط راسك بين الروس تسلم.
اشتري وما تبيعش.
ما تبيعش رخيص قال متوصيش حريص.
قال : مالك مرعوبة ? قالت : من ديك النوبة.
يبقى ابني على كتفي واجري أدور عليه.
اضرب المربوط يخاف السايب.
اضرب البرئ يخاف الفاعل.
حطها حلقة في ودنك.
اكنس بيتك ورشه .. ما تعرف مين خشه.
اللي تقول عليه موسى تلتقيه فرعون.
احذر عدوك مرة واحذر صديقك ألف مرة.
ابن الحرام مخلاش لابن الحلال حاجة.
اتقي شر من أحسنت إليه.
اللي على راسه بطحة بيحسس عليها.
مش كل الوقعات زلابية.
متأمنش لابو راس سودة.

ويصف المثل الخوف والخائفين والحذرين قائلاً:
الخوف يرج الجوف.
بيخاف من خياله.
يكاد المريب يقول خدوني.
بيشك في صوابعه.

وفي الخوف يقول الكاتب الصحفي عادل حمودة:
( وفي مخزون المصريين الحضاري خوف وحذر لا نهاية لهما من السلطة، فهم أقدم
محكومين على وجه الأرض، وبهذه الأقدمية أصبح الحكام آلهة . وفي عصور
الانفراجة الديمقراطية كانوا أنصاف آلهة قالوا: يافرعون إيه فرعنك؟ قال:
ملقيتش حد يردني).

وفي الدعوة لعدم الخوف والحذر:
إن غاب القط العب يافار.
إن قلت متخافش وان خفت ماتقولش.
زي ما تكون لي أكون لك .. مانتش رب اخاف منك.
اللي يخاف من العفريت يطلع له.
ما عفريت إلا بني آدم.
اللي تخاف منه متلاقيش أحسن منه.
الحذر ما يمنعش قدر.
حسبنا حساب الحية والعقربة ما كانت على البال.
ابن الكبة طلع القبة ولاد اسم الله خدهم الله. (نبذ للحذر).

ويرى ?. يوسف إدريس أن المصري من أكثر شعوب الأرض تعقلاً ليس عن حكمة:
( اعمال عميق للتفكير ومقارنة بين الاحتمالات الكثيرة والحلول ثم اختيار
قائم على تفضيل الأحسن بالنسبة للشخص أو للشعب فنحن نتعقل أولاً وبادئ ذي
بدء معنى اننا بالتلقاء والسليقة نختار أقرب الحلول للسلامة وحفظ الذات
والإفلات من الموقف ولو كان هذا على حساب النتيجة على المدى الطويل).

وفي نبذ العنف أو استخدام القوة :
يابخت من قدر وعفى.
العفو عند المقدرة.
الضرب في الميت حرام.
ما قوي إلا الله.
إذا دعتك قدرتك على ظلم الناس .. فتذكر قدرة الله عليك.
حكم القوي على الضعيف.
يوضع سره في أضعف خلقه.
الخضوع عند الحاجة رجولية.
اللي ما تقدر عليه حيل ربنا عليه.
سلاح الضعيف الشكية (أو دموعه).
السبع سبع ولو في قفص.
أسد علي وفي الحروب نعامة.
حكمك غريمك إن ما طعته من يضيمك.
ما يقدر على القدرة إلا الله.

وفي السخرية من القوة والأقوياء:
قادر وفاجر.
يقدر على كل كبيرة.
قال يا فرعون من فرعنك ? قال : مالقيتش اللي يرجعني.
مقدرش على الحمار اتشطر على البردعة.
كل ذي عاهة جبار.
الفرس الهادية ينتف ديلها.
اللي يربط في رقبته حبل ألف من يسميه.
اللي يوطي راسه يتركب.
الحيطة الواطية ينطو عليها الكلاب.
دبور زن على حجر مش قال عايز ايه ? قال : عايز المسك. قال: أنا المس الحديد.
اللي يعمل ريس يجيب الريح من قرونه.
كلب ينبح ما يعضش.
اللي له ضهر ما ينضربش على بطنه.

وهناك أمثال تدعو إلى استخدام الحيلة والمواجهة والقوة فتقول:
اللي تغلب به العب به.
اللي ما تقدر عليه القادومة يقدر عليه المنشار.
القوي مالوش الا اللي اقوى منه.
ونما على الارض القوي مسيطر.
الكترة تغلب الشجاعة.
اضرب الأعمى واكسر عصاه مانتاش أعدل من ربه اللي عماه.
خلص حقك بايدك.
اللي يرشك بالمية رشه بالدم.
اللي يدي لك كتفه ادي له ضهرك.
اللي يحاديك حاديه .. واجعل عيالك عبيده .. والي يعاديك عاديه ولو كانت روحك في ايده.
العين بالعين والسن بالسن والبادي أظلم.
الأيد اللي تتمد ولا تضربش تستاهل قطعها.
وتقول ?. نعمات فؤاد : إن المصري يتقوقع على نفسه ليعيد صياغتها ويعد نفسه
ليثبت من كبوته دون أن يسلم بها لكن فلسفته في الصبر وإعادة الصياغة التي
قد تطول لا نستطيع تفسيرها أو تبريرها بسهولة لذلك فالمصري غير عنيف أو
ثوري في رده على من هم أقوى منه ومن هنا توجد العديد من الأمثال الشعبية
التي تتناول مفهوم الظلم والعدل وإن كانت معظم الأمثال تحبذ أن يبيت المرء
مظلوماً وليس ظالماً.
يا ظالم لك يوم.
دولة الظلم ساعة ودولة الحق حتى قيام الساعة.
يابخت من بات مظلوم ولا باتش ظالم.
نوم الظالم عبادة.
المساواة في الظلم عدل.
الرحمة تخص والنقمة تعم.
جور الغز ولا عدل العرب.
الرحمة فوق العدل.
ياما في الحبس مظاليم.
واحد واخد وعشرة متهومين.
البيت بيت ابونا والغرب بيطردونا.
من ماله ولا يهنا له.
ارحموا عزيز قومٍ ذَلْ.
برئ براءة الذئب من دم ابن يعقوب.
حرام علينا وحلال على الغريب.
وراه النجوم في عز الضهر.
وراه الأمرين.
قفل في وشه باب الرحمة.
السمك الكبير بياكل الصغير.
القاضي مالوش إلا اللي قدامه.
الناس لها الظاهر.
ربنا ما يرضاش بكده.
قاتل بلا بينة سلطان.
كلمة الحق تقف في الحلق.
عايز الحق ولا ابن عمه.
معندوش يامه ارحميني.
قاضي العيال اشتكى روحه.

ورغم كثرة الأمثال التي تحبذ الصبر وعدم مقاومة الظلم إلا أن أمثالاً أخرى
تحض المصري على رفض الظلم ومواجهته.. وإن كان عدداً قليلاً من الأمثال:
الساكت في الحق زي الناطق في الباطل.
صاحب الحق عينه قوية.
الحق صوته عالي.
كلمة الحق لازم تتقال.
الساكت عن الحق شيطان أخرس.
المتهم برىء حتى تثبت ادانته.
بين حقك واتركه (إحقاقاً للحق).
خد بحقك حلفة واحرقه.
ويقول ?. يوسف ادريس عن الحق وإثباته تحت عنوان (الخناقة على الطريقة المصرية) يقول :
( لا يتساءل المصري المتخانق من سيوقع هذا العقاب إن وجد الإنصاف وإنما
المهم أن يثبت للعالم أنه مظلوم وأنه يستحق الإنصاف وأنه لولا التعقل
لارتكب القتل والضرب والجنايات).
بمعنى أن العالم كله لابد أن يشهد على قدرته وقوته ويحاول إثبات حقه لمجرد إحقاق الحق.

وفي التكافل والتعاون:
الايد لوحدها ما تسقفش.
القفة أم ودنين يشيلوها اتنين.
من قدم السبت يلقى الحد قدامه .. ومن يخدم الناس صارت الناس خدامه.
زي قواديس الساقية المليانة يكب على الفارغ.
الكترة تغلب الشجاعة.
الناس لبعضها.
النواية تسند الزير.
غالي والطلب رخيص.
انصر اخاك ظالما أو مظلوماً.
انا واخويا على ابن عمي .. وانا وابن عمي على الغريب.
ايد على ايد يكبر ويزيد.
البركة في كتر الأيادي.
ايد على ايد تساعد أو تقرب البعيد.
البركة في اللمة.
اللي ماله خير في اخاه الغريب ما يسترجاه.
اللي قيدني بيفتل لك.
بعد ما طارت ساعدها بقوة هش.
البقرة بتطلق والعجل بيحزق ليه ? قال : تحميل جمايل.
عمر الشبعان ما يفت للجعان (لانعدام التكافل).

وأيضاً في عدم المساعدة وانعدام التكافل:
اللي يحتاجه البيت يحرم على الجامع.

ويقول المثل في مساعدة المحتاجين وتفضيلهاعلى بعض أوجه البر الأخرى:
كل لقمة في بطن جايع أخير من بناية جامع.

وفي الكرم المصري :
لقمة هنية تكفي مية.
جحر ديب يساع ميت حبيب.
بيت المحسنين عمار.
الجودة من الموجودة.
الفضلة للفضيل.
تاكلوه يروح تفرقوه يفوح.
الخير على قدوم الواردين.
الف طق طق .. ولا سلام عليكم ( أي مرحباً بالقادمين أفضل من وداعهم).
ده وشك ولا وش القمر.
الرِجل تدبّ مطرح ما تحب.
لاجل عين تكرم ألف عين.
لاجل الورد ينسقي العليق.
ضيف يستاهل الدبح.
اللي ياكل لوحده يزور.
اللقمة بتنادي اكالها.
اللقم تمنع النقم.
الخير يبان على الضبة.
إن أطعمت اشبع وإن ضربت اوجع.
رب صدفة خير من ألف ميعاد.
يارب ضيف عزيز وناكل من جاره.

وفي كرم الضيافة أيضاً :
الضيف المجنون ياكل ويقوم.
هو خالتي عندكم ? مجتش (تقال لاستبقاء الضيف).
جاي تزور الطريق ? (عندما يرغب الضيف في المغادرة).
هي رجل البواب اتكسرت ? (تقال للضيف الذي طال غيابه).
لاقيني ولا تغديني.
إذا حضرت الملائكة ذهبت الشياطين.
كل وبحلق عنييك .. أكلة واتحسبت عليك.
راح وادي وش الضيف.
راح وقال عدولي .
على رجليك نقش الحنة (ماذا يمنعك من الزيارة).

ورغم كثرة الأمثال التي ترحب بالكرم وتشيد بالكرماء وحب الضيف، إلا أن بعض الأمثلة تستاء من الضيف الثقيل فتقول:
يا بخت من زار وخفف.
زر غباً تزداد حباً.
المركب اللي تودي أحسن من اللي تجيب.
اكسروا وراه قلة.
بـاب الشقة يقول لباب السطوح اللي يجي يجي واللي يروح يروح.
جبنا سيرة القط جه ينط.
افتكرنا القط جانا ينط.
ياريتنا افتكرنا حاجة عدلة.
ياريتنا افتكرنا مليون جنيه.
داخل لا إحم ولا دستور.
ما يضايق الزريبة إلا الحمار الغريبة.
ساعة البطون تتوه العقول.
اضرب الطاسة تيجي لك ألف كاسة.
كل مع الكفار ولا تاكل مع أبو ضوافر.
يا بخت من ياكل قرصة ويـأنس الناس بحسه (أي يزور ولا يأكل).
يا دخلى على اللي ما يريدوني لا سلامات ولا وحشتوني.
بلاش توكلني فرخة سمينة وتبيتني حزينة.
طعمتني وذكرت ما عشت يوم كلت.
يتمز وسط في بيت ال**ون.
زي العوالم بيتغدوا في بيت ال**ون.
عنيه في الطبق وودنه لمن زعق (أي يتصنت وهو يبدو منهمكاً في الأكل).
لولاك يا كمي ما كلت يا فمي ( لولا الوجاهة ما دعيت لوليمة).
أهي أكلة والوداع.
أكلنا ايه نشرب عليه ?!
الغايب مالوش نايب.
اللي ايدي ماهي في مرجونته ولا على بالي منه ولا من جودته.

ويتضح لنا أن المصري بطبيعته يميل إلى الطيبة والكرم لدرجة أن البعض أحياناً يكونون متطفلين لذلك فظهرت أمثال تنهر التطفل.
من يتدخل فيما لا يعنيه .. يسمع ما لا يرضيه.
من راقب الناس مات هماً.
يا داخل بين البصلة وقرشتها .. ما ينوبك إلا صنانتها.
يا داخل بين المسك والريحة .. ما ينوبك إلا الفضيحة.
يا داخل بلا مشورة إن ما مسخرك الراجل تمسخرك المرة.
واحد شايل دقنه والتاني تعبان ليه.
اردب ما هولك ما تحضر كيله تتعفر دقنك وتتعب في شيله.
اللي يحضر تعافير بتيجي على هانمه.
ما ينوب المخلص إلا تقطيع هدومه.
ضربوا بتاع الكمون خري بتاع الكسسسبرة.
مالك ومال الختان يا أبو صرم ضيق.
اللي مالكش فيه ماتنحشرش فيه.
لا لك في الطور ولا في الطحين.
اكفي خيرك شرك.
يا عين أن شفتي ماريتي وان شهدوكي قولي كنت في بيتي.
جم ينعلوا خيل الباشا قدمت أم قويق رجلها.
فاتت ابنها يعيط وراحت تسكت ابن الجيران.
يامداوي عماص الناس داوي عماصك.
يامداوي خيل الناس حصانك من عند زره خايب.
عليل وعامل مداري.
بدال ما تعدل على الناس عدل على روحك.
ابوها راضي وأنا راضي مالك انت ومالنا يا قاضي؟
أنا وحبيبي راضي وأنت مالك يا قاضي؟
عيوبي لا أراها وعيوب الناس أجري وراها.
أمثال شعبية

(1) ابن الحرام ما خلاش لابن الحلال حاجة.
(2) ابن ادم في التفكير والرب في التدبير.
(3) ابن السايغ اشتهى على ابو خاتم.
(4) ابنك على ما تربيه .. وجوزك على ما تعوديه.
(5) ابنه على كتفه ويدور عليه.
(6) صاحب بالين كداب.
(7) ابو البنات مرزوق.
(8) في الشدة أبوك ما هو أبوك واخوك ما هو أخوك.
(9) حتى الأبيض في الكلاب نجس.
(10) خليك ورا الكداب لحد باب الدار.
(11) بتاع الناس كناس.
(12) البحر ما يتعكرش من ترعة.
(13) البحر بيحب الزيادة.
(14) بخمسة بصل .. وبصل بخمسة .. كله زي بعضه.
(15) بدل ما اقول للعبد يا سيدي اقضي حاجتي بايدي.
(16) بدل ما تغشه قول له في وشه.
(17) بدل ما تقعد وتتجسطن اتكلم واتوسطن.
(18) الب