البحر والمراكب

عقارب الساعه

اتأخرت لفه

والعشق لو يندبح

تطلع وراه زفه

ي مراكبي يللي العشق موش توبك

مين ركبك مركب بلا دفه

عايم وكلك امل

عينك تشوف مرفي

ولما الليل عليك ليل

حرقت خلقاتك

لأجل تدفي

عاملي فيها بطل

وانتا لحم وعضم

عكتابة مليها الدموع

وفي الايدين رجفه

يعني فاضلك كام

لأجل النظر يخفي

سنه

سنتين

التالته ليك ح تقول

امتي العليل يشفي

ح تبقي حاسس كأنك

دفتر بلا جلفه

وكل الكلام اللي قلته

ح تقولوه لكن

مع تأتأه شفه

انا موش بأقولك انتحر

او موت خلاص

انا موش بأقولك انكسر

وانسي الخلاص

انا بردوا عاشق زيي زيك

بس عشقي له مقاس

عشقي مقاس الكفن

طوله علي كدي

والعشق ما بأعرفه

لو ما لمس يدي

يا مراكبي عدي لشط تاني

شط قبلي

شط بعدي

موش مهم

المهم انك تعدي

المهم....انك تعدي

جميل قوى بارك الله فيك

جمييييييييييل

شكراً على الشعر الجميل

» على شاطئ البحر
» هل شاهدت البحر وهو يتجمد ؟؟؟؟
» معلومات عن البحر تساعد في الصيد
» آرنست همنغواي مُقتطفات - ” العجوزُ و البحر
» فواكه البحر وشوربة السمك